കൊട്ടിഘോഷിച്ച് വലിയവനാക്കി മാറ്റി; അൻവർ എല്ലാവർക്കുമൊരു പാഠം: ബിനോയ് വിശ്വം

പി.വി അൻവർ എല്ലാവർക്കും ഒരു പാഠമാണെന്ന് സി.പി.ഐ. സംസ്ഥാന സെക്രട്ടറി ബിനോയ് വിശ്വം. അത്തരം ആളുകൾ വരുമ്പോൾ തന്നെ അവരെ രണ്ടുകൈയ്യും നീട്ടി സ്വീകരിച്ച്, തലയിൽ എടുത്തുവെച്ച്, അർഹത പരി​ഗണിക്കാതെ അവർക്ക് പ്രൊമോഷൻ കൊടുത്ത്, സ്ഥാനമാനങ്ങളുടെ തൊപ്പിവെച്ച്, അവരെ കൊട്ടിഘോഷിച്ച് വലിയവനാക്കി മാറ്റി.Binoy Viswam says PAnvar actions are a lesson for all

ഇതൊക്കെ ചെയ്യുമ്പോഴും മൗലികമായി അവർ എന്താണോ അതാണ് അവർ. അത് ലവലേശം മാറിയിട്ടില്ല. അപ്പോൾ അത്തരം ആളുകൾ വരുമ്പോൾ ഒരു കമ്യൂണിസ്റ്റ് പാർട്ടി പാലിക്കേണ്ട ജാ​ഗ്രതയെ പറ്റിയുള്ള പാഠമാണ്. ആ പാഠം എല്ലാവർക്കും ബാധകമാണ്. സിപിഎമ്മിന് മാത്രമല്ല, തങ്ങൾക്കും ബാ​ധകമാണെന്നും അദ്ദേഹം പറഞ്ഞു