ഓട്സ് ഉപയോഗിച്ച് വിവിധ വിഭവങ്ങൾ നമ്മൾ തയാറാക്കാറുണ്ട്. ധാരാളം പോഷകഗുണങ്ങൾ അടങ്ങിയ ഓട്സ് പ്രാതലിൽ നിർബന്ധമായും ഉൾപ്പെടുത്തുന്നത് ആരോഗ്യത്തിന് ഉത്തമമാണ്. ഓട്സ് പോഷകപ്രദവും ആരോഗ്യകരവുമായ പ്രഭാതഭക്ഷണമായി വിദഗ്ധർ പറയുന്നു. പ്രാതലിൽ ഓട്സ് ഉൾപ്പെടുത്തുന്നത് ദിവസം മുഴുവൻ രക്തത്തിലെ ഗ്ലൂക്കോസിൻറെ അളവ് നിലനിർത്തുക ചെയ്യുന്നു.
ഓട്‌സിൽ ബീറ്റാ ഗ്ലൂക്കൻ അടങ്ങിയിട്ടുണ്ട്. പ്രഭാതഭക്ഷണത്തിന് ദിവസവും ഓട്സ് കഴിക്കുമ്പോൾ ശരീരഭാരം, ഹോർമോൺ അസന്തുലിതാവസ്ഥ, രക്തത്തിലെ ഗ്ലൂക്കോസ് എന്നിവയുടെ അളവ് ഗണ്യമായി കുറയ്ക്കുന്നു. നമ്മുടെ ദൈനംദിന ഭക്ഷണത്തിൽ ഓട്സ് വിവിധ രൂപത്തിൽ ഉൾപ്പെടുത്താം. ഓട്സ് കൊണ്ട് ഇനി മുതൽ ദോശ തയാറാക്കിയാലോ. വളരെ കുറച്ച് ചേരുവകൾ കൊണ്ട് രുചികരമായ ഓട്സ് ദോശ എളുപ്പം തയാറാക്കാം.
ആവശ്യമുള്ള സാധനങ്ങൾ
ഓട്സ് - 1 കപ്പ്
വെള്ളം - 1 കപ്പ്
തക്കാളി - 1 എണ്ണം ( ചെറുതായി അരിഞ്ഞത്)
സവാള - 1/2 ടീ സ്പൂൺ
മുളകു പൊടി - 1/2 ടീ സ്പൂൺ
ജീരകം - 1/2 ടീ സ്പൂൺ
ഉപ്പ് - മല്ലിയില - ആവശ്യത്തിന്
എങ്ങനെ തയാറാക്കാം
ആദ്യം ഓട്സ് 30 മിനുട്ട് നേരം വെള്ളത്തിൽ കുതിർക്കാൻ ഇടുക. ശേഷം കുതിർത്ത ഓട്സ്, തക്കാളി, സവാള, ജീരകം, മുളകു പൊടി, ഉപ്പ് എന്നിവ ഒരുമിച്ച് ചേർത്ത് മിക്‌സിയിൽ അരച്ചെടുക്കുക. ശേഷം ദോശ കല്ലിൽ പരത്തി ഉണ്ടാക്കി എടുക്കുക. ഓട്സ് ദോശ തയാർ.