പ്രവാസി മാപ്പിളപ്പാട്ട് ഗായകനായ സൈഫാ ഖാൻ പുതുപ്പറമ്പിന് ഈ വർഷത്തെ ടി.പി. ആലിക്കുട്ടി ഗുരുക്കൾ സ്മാരക അവാർഡ് നൽകും . കൂട്ട് പുതുപ്പറമ്പ് - യുഎഇ കലാ സാംസ്കാരിക കൂട്ടായ്മയാണ് അവാർഡ് സമ്മാനിക്കുന്നത്.
നാല് പതിറ്റാണ്ടിലധികമായി പ്രവാസ ലോകത്തും നാട്ടിലും മാപ്പിളപ്പാട്ട് ആലാപന രംഗത്തിന് നൽകിയ മികച്ച സംഭാവനകളെ മാനിച്ചാണ് ഗായകൻ സൈഫാ ഖാന് പുരസ്‌കാരം നൽകുന്നതെന്നും നവംബർ 24 ഞായറാഴ്ച ദുബായിലെ കരാമയിൽ നടക്കുന്ന കലാമേളയിൽ അവാർഡ് സമ്മാനിക്കുമെന്നും സംഘാടകർ അറിയിച്ചു.
മാപ്പിളപ്പാട്ടും കോൽക്കളിയും ഉൾപ്പെടെ കലാരംഗത്ത് ഉജ്ജ്വല സംഭാവനകളിലൂടെ പ്രശസ്തനായിരുന്നു എടരിക്കോട് ടി.പി. ആലിക്കുട്ടി ഗുരുക്കൾ.2003 ഒക്ടോബർ 21നാണ് ആലിക്കുട്ടി ഗുരുക്കൾ അന്തരിച്ചത്.
അവാർഡ് ജേതാവായ സൈഫാ ഖാനും ഗുരുക്കളുടെ ശിഷ്യരിൽ ഒരാളായിരുന്നു. അവാർഡ് ദാന ചടങ്ങിൽ കലാസാംസ്കാരിക രംഗത്തെ പ്രമുഖർ സംബന്ധിക്കും