ഓർമ്മ ബാലവേദി “നക്ഷത്രക്കൂട്ടം” കൺവെൻഷനും വാനനിരീക്ഷണ ക്യാമ്പും സംഘടിപ്പിച്ചു

ഓർമ്മ ബാലവേദിയുടെ ആഭിമുഖ്യത്തിൽ “നക്ഷത്രക്കൂട്ടം” എന്ന പേരിൽ ബാലവേദി കൺവെൻഷനും വാനനിരീക്ഷണ ക്യാമ്പും സംഘടിപ്പിച്ചു. വൈകിട്ട് 4 മണിക്ക് ദെയ്‌റ വില്ലയിൽ ആരംഭിച്ച കൺവെൻഷൻ പ്രശസ്ത നാടകസംവിധായകനും സാംസ്കാരിക പ്രവർത്തകനും ആയ ശ്രീ സേതു കണ്ടനകം ഉദ്‌ഘാടനം ചെയ്തു.ഓർമ്മ ജനറൽ സെക്രട്ടറി പ്രദീപ് തോപ്പിൽ ആശംസകൾ അർപ്പിച്ചു സംസാരിച്ചു .ബാലവേദി ജോയിന്റ് കൺവീനർമാരായ ശ്രീലാൽ സ്വാഗതം പറഞ്ഞ കൺവെൻഷനിൽ ബാലവേദി കൺവീനർ ലിജിന കൃഷ്ണൻ അധ്യക്ഷ ആയി . ജോയിന്റ് കൺവീനർ മിനിബാബു നന്ദി രേഖപ്പെടുത്തി .

പുതിയ ഭാരവാഹികളായി ആഗ്നേയ സുഭാഷ് (സെക്രട്ടറി), ഇഷാൻ അനീസ് (പ്രസിഡന്റ്), അർജുൻ ഓമനകുട്ടൻ (വൈസ് പ്രസിഡണ്ട്), ശ്രീഹരി അംബുജാക്ഷൻ (ജോയിൻറ് സെക്രട്ടറി) എന്നിവർ തെരഞ്ഞെടുക്കപ്പെട്ടു . മുൻ സെക്രട്ടറി സായന്ത് സന്തോഷ് പാനൽ അവതരിപ്പിച്ചു

തുടർന്ന് പ്രശസ്ത അസ്‌ട്രോഫോട്ടോഗ്രാഫറും ആസ്ട്രോണമറും ആയ ശ്രീ ശരത്പ്രഭവ് കുട്ടികൾക്ക് വാനനിരീക്ഷണ ക്ലാസ്സ് എടുക്കുകയും, തുടർന്ന് അൽഖുദ്രയിൽ വാനനിരീക്ഷണ ക്യാമ്പ് നടത്തുകയും ചെയ്തു. ഇത് കുട്ടികൾക്ക് വ്യത്യസ്തമായ അനുഭവം നൽകി. 80ഓളം കുട്ടികൾ ഈ വാനനിരീക്ഷണത്തിൽ പങ്കെടുത്തു, കുട്ടികൾക്ക് വ്യത്യസ്തമായ ഒരു അനുഭവം ലഭിച്ചു.

ശരത്പ്രഭവ് തന്റെ അറിവുകളും അനുഭവങ്ങളും പങ്കുവെച്ചുകൂടി കുട്ടികൾക്ക് ആകർഷകമായ ക്ലാസ്സ് എടുത്തു. ആകാശത്ത് നക്ഷത്രങ്ങളും ഗ്രഹങ്ങളും നിരീക്ഷിച്ച്, ആസ്പിക്സ്, ടെലിസ്കോപ്പ് എന്നിവയുടെ ഉപയോഗത്തെക്കുറിച്ച് അവരെ പഠിപ്പിച്ചു.

ഇതോടൊപ്പം ബാലവേദി കൂട്ടുകാരുടെ ജന്മദിനം കൂടെ ആഘോഷിച്ചു. കുട്ടികൾ കേക്ക് മുറിച്ച് മധുരം പങ്കുവെച്ചു. ഈ പരിപാടി ഓർമ്മ ബാലവേദിയുടെ പ്രവർത്തനത്തിലെ ഒരു ശ്രദ്ധേയ ഘടകമായി മാറി, കുട്ടികൾക്കും പങ്കെടുത്തവർക്കും മികവുറ്റ അനുഭവം സമ്മാനിച്ചു.