'എന്തിന് പുരുഷനെ പഴിചാരുന്നു, നിർബന്ധിച്ച് കയ്യും കാലും കെട്ടിയാണോ മുറിയിൽ കൊണ്ടുപോകുന്നത്'; പ്രിയങ്ക

മലയാളി പ്രേക്ഷകരുടെ മനസിൽ ഇടം നേടിയ നടിയാണ് പ്രിയങ്ക അനൂപ്. സിനിമയിൽ വലുതും ചെറുതുമായ ഒട്ടേറെ വേഷങ്ങളിൽ താരം അഭിനയിച്ചു. ഇപ്പോഴിതാ സിനിമ മേഖലയിലെ പ്രശ്‌നങ്ങളെക്കുറിച്ചും അഡ്ജസ്റ്റ്മെന്റിനെക്കുറിച്ചും താരം തുറന്നുപറയുകയാണ്. സിനിമയിൽ മാത്രമല്ല എല്ലാ മേഖലയിലും അഡ്ജസ്റ്റ്മെന്റുണ്ടെന്നാണ് പ്രിയങ്ക പറയുന്നത്. കൗമുദി മൂവിസിനോട് സംസാരിക്കുകയായിരുന്നു താരം്.

'സിനിമയിൽ ശരിക്കും അഡ്ജസ്റ്റ്മെന്റില്ല. പിന്നെ ഓരോരുത്തരുടെ ഇഷ്ടമാണ് അഡ്ജസ്റ്റ്മെന്റ് ചെയ്ത് പോകുന്നത്. എന്ത് അഡ്ജസ്റ്റ്മെന്റ്, അത് ആദ്യം മനസിലാക്കണം. എന്നോട് അഡ്ജസ്റ്റ് ചെയ്യണമെന്ന് പറഞ്ഞാൽ ഞാൻ ഒറ്റ വാക്കേ പറയൂ, എനിക്ക് ഈ പടം വേണ്ട. ഈ അഡ്ജസ്റ്റ്മെന്റ് എല്ലാ ഫീൽഡിലുമില്ലേ. പോകാൻ ആഗ്രഹിക്കുന്നവർ പോയിക്കോട്ടെ. പിന്നെ അതുകഴിഞ്ഞ് എന്തിനാണ് വിളിച്ച് പറയുന്നത്.

നിർബന്ധിക്കുന്നില്ലല്ലോ, ആരെയും നിർബന്ധിച്ച് കയ്യും കാലും കെട്ടിയിട്ട് അല്ലല്ലോ ആരെയും മുറിയിൽ കൊണ്ടുപോകുന്നത്. സ്വന്തം ഇഷ്ടപ്രകാരമല്ലേ. പിന്നെ ആ പുരുഷനെ എന്തിനാണ് പഴിചാരുന്നത്. നമ്മൾ പോയിട്ടല്ലേ. നമ്മൾ കുറച്ച് ഒതുങ്ങ്. ആദ്യം നമ്മളാണ് അത് വേണ്ടാന്ന് വയ്ക്കേണ്ടത്. ഞാൻ പുരുഷന്മാരെ സപ്പോർട്ട് ചെയ്യും. എല്ലാ അഭിമുഖത്തിലും ഞാൻ പുരുഷന്മാരെ സപ്പോർട്ട് ചെയ്യും. നിങ്ങൾക്ക് എന്നെ കണ്ടില്ലെങ്കിലും കുഴപ്പമില്ല, ഞാൻ പറയുന്നതിലും ന്യായമുണ്ട്. ന്യായത്തിന്റെ പുറത്താണ് ഞാൻ സപ്പോർട്ട് ചെയ്യുന്നത്'- പ്രിയങ്ക പറഞ്ഞു.