തമിഴ് സൂപ്പർ താരം വിജയ്യുടെ മകൻ ജയ്സൺ സഞ്ജയ് നായകനാകുന്നു. പ്രമുഖ നടി ദേവയാനിയുടെ മകൾ ഇനിയാണ് ചിത്രത്തിലെ നായികയായി എത്തുന്നത്. തമിഴ് മാധ്യമങ്ങളാണ് വാർത്ത പുറത്തുവിട്ടിരിക്കുന്നത്.
ദേവയാനിയുടെ ഭർത്താവ് രാജകുമാരനാണ് ചിത്രം സംവിധാനം ചെയ്യുന്നതെന്നും വാർത്തകൾ പ്രചരിക്കുന്നുണ്ട്. ചിത്രത്തിന്റെ ആദ്യഭാഗത്തിൽ ദേവയാനിയും പാർത്ഥിപനും പ്രധാനവേഷത്തിൽ എത്തുന്നു. അജിത് അതിഥി വേഷത്തിലും ചിത്രത്തിൽ എത്തുന്നുണ്ട്. നേരത്തെ തന്നെ താരപുത്രന്റെ സിനിമാ പ്രവേശനത്തെക്കുറിച്ച് വാർത്തകൾ പ്രചരിച്ചിരുന്നു.
നടൻ വിജയ് തന്റെ മകന്റെ സിനിമാമോഹത്തെക്കുറിച്ച് നേരത്തെ വെളിപ്പെടുത്തിയിരുന്നു. തെന്നിന്ത്യയിലെ നിരവധി സംവിധായകർ സമീപിച്ചെന്നും എന്നാൽ സഞ്ജയ് ഒന്നും സ്വീകരിച്ചിട്ടില്ല എന്നുമായിരുന്നു വിജയ് മുമ്പു പറഞ്ഞത്.