ഇളയദളപതി വിജയ് ചിത്രം ലിയോ ബോക്സ് ഓഫീസ് യാത്ര തുടരുകയാണ്. രണ്ടാം ദിനത്തിൽ കളക്ഷൻ കുറഞ്ഞെങ്കിലും മൂന്നാം ദിനത്തിൽ നികത്തുമെന്നാണ് കണക്കുകൂട്ടൽ. ആദ്യദിനത്തിൽ ഇന്ത്യയില്‍ നിന്ന് 64.8 കോടി രൂപയാണ് ലിയോ നേടിയത്.
ആഗോള തലത്തില്‍ ആദ്യ ദിനം 148.5 കോടി വാരിക്കൂട്ടി. നിര്‍മാതാക്കളായ സെവന്‍ സ്‌ക്രീന്‍ സ്‌റ്റുഡിയോസാണ് ഇക്കാര്യമറിയിച്ചത്. രണ്ടാം ദിനത്തില്‍ 36 കോടി രൂപയാണ് ഇന്ത്യന്‍ ബോക്സ് ഓഫീസില്‍ ചിത്രം നേടിയിരിക്കുന്നത്.
ഇതോടെ രണ്ട് ദിനം കൊണ്ട് ലിയോ 100 കോടി ക്ലബ്ബില്‍ ഇടംപിടിച്ചിരിക്കുകയാണ്.ആദ്യ ദിനം ലിയോ യുടെ തമിഴ്‌ പതിപ്പിന് മാത്രം ലഭിച്ചത് 48.96 കോടി രൂപയാണ്. തെലുഗു പതിപ്പിന് 12.9 കോടി രൂപയും, ഹിന്ദി പതിപ്പിന് 2.8 കോടി രൂപയും, കന്നഡ പതിപ്പിന് 14 കോടി രൂപയുമാണ് നേടിയത്.
100 crore club on day 2 of leoആകെ 64.8 കോടി രൂപയും ലിയോ ആദ്യ ദിനത്തില്‍ നേടി. രണ്ടാം ദിനത്തില്‍ എല്ലാ ഭാഷകളിലുമായി 36 കോടി രൂപ നേടിയ ചിത്രം, ഇന്ത്യന്‍ ബോക്സ് ഓഫീസില്‍ രണ്ട് ദിനം കൊണ്ട് 100.80 കോടി രൂപയാണ് ലിയോ സ്വന്തമാക്കിയത്.