ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ്
![ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ് ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ്](https://news.radiokeralam.com/h-upload/2024/06/20/391993-2297593-abudhabi-police.webp)
സമൂഹമാധ്യമമായ എക്സിൽ ട്രാഫിക് നിർദേശങ്ങൾ മലയാളത്തിൽ പങ്കുവെച്ച് അബൂദബി പൊലീസ്. ഡ്രൈവർമാർ പതിവായി ചെയ്യേണ്ടതും സൂക്ഷിക്കേണ്ടതുമായ കാര്യങ്ങളെക്കുറിച്ചുള്ള എക്സ് വിഡിയോയിലാണ് അറബി, ഇംഗ്ലീഷ് ഭാഷകൾക്കുപുറമേ മലയാളത്തിലും നിർദേശങ്ങൾ നൽകുന്നത്.
അബൂദബിയിൽ ഏറെയുള്ള മലയാളികളെ കൂടി ലക്ഷ്യംവെച്ചാണ് ഈ വിഡിയോ പങ്കുവെച്ചിരിക്കുന്നത്. തേയ്മാനം സംഭവിച്ച ടയറുകളുടെ ഉപയോഗം റോഡ് ഉപയോക്താക്കളുടെ സുരക്ഷ അപകടത്തിലാക്കുന്നുവെന്നാണ് വിഡിയോയിൽ പറയുന്നത്.
കാറിന്റെ ടയറുകൾ കൃത്യമായ ഇടവേളകളിൽ പരിശോധിക്കുക, ടയറുകളിൽ വിള്ളലുകളോ അസാധാരണമായ വീക്കങ്ങളോ ഉണ്ടോയെന്ന് പരിശോധിക്കുക, ടയറുകളുടെ കാലാവധി പരിശോധിക്കുക എന്നിങ്ങനെയാണ് നിർദേശങ്ങൾ.
തേയ്മാനം സംഭവിച്ച ടയറുകളുടെ ഉപയോഗം റോഡ് ഉപയോക്താക്കളുടെ സുരക്ഷ അപകടത്തിലാക്കുന്നു
— شرطة أبوظبي (@ADPoliceHQ) June 19, 2024
ഡ്രൈവർമാർ പതിവായി ചെയ്യേണ്ട കാര്യങ്ങൾ :
-കാർ ടയറുകൾ പരിശോധിക്കുക
-ടയറുകളിൽ വിള്ളലുകളോ അസാധാരണമായ വീക്കങ്ങളോ ഉണ്ടോയെന്ന് പരിശോധിക്കുക
- ടയറുകളുടെ കാലാവധി പരിശോധിക്കുക