വാണിജ്യ പാചക വാതക സിലിണ്ടറുകൾക്ക് വില കൂട്ടി

വാണിജ്യ പാചക വാതക സിലിണ്ടറുകൾക്ക് വില വർധിപ്പിച്ചു. വാണിജ്യ സിലിണ്ടറുകൾക്ക് 39 രൂപയാണ് വർധിപ്പിച്ചത്. പുതിയ വില ഇന്നുമുതൽ നിലവിൽ വരും. ഇതോടെ ഡൽഹിയിൽ 19 കിലോ ഗ്രാം വരുന്ന പാചക വാതക സിലിണ്ടർ ഒന്നിന് 1691.50 എന്ന നിലയിലെത്തി. ഗാർഹിക സിലിണ്ടറുകളുടെ വിലയിൽ മാറ്റമില്ല.

ജൂലൈ ഒന്നിന് വാണിജ്യ സിലിണ്ടറുകൾക്ക് വില കുറച്ചിരുന്നു. 30 രൂപയാണ് ഒരു സിലിണ്ടറിന് കുറച്ചിരുന്നത്. പിന്നീട് ഓഗസ്റ്റ് ഒന്നിന് ഡൽഹി, മുംബൈ, കൊൽക്കത്ത, ചെന്നൈ തുടങ്ങിയ മെട്രോ നഗരങ്ങളിൽ ഉൾപ്പെടെ രാജ്യത്തുടനീളം 19 കിലോഗ്രാം സിലിണ്ടറിന് 8.50 രൂപ കമ്പനികൾ വർധിപ്പിച്ചിരുന്നു. ഇതിന് പിന്നാലെയാണ് വീണ്ടും 39 രൂപയുടെ വർധനവ് വരുത്തിയത്.