നമ്മളൊക്കെ എന്ത്..; 1,600 വർഷം പഴക്കമുള്ള മദ്യശാല; ആരെയും അദ്ഭുതപ്പെടുത്തും കാഴ്ചകൾ

ഗ്രീ​സി​ലെ പു​രാ​ത​ന ന​ഗ​ര​മാ​യ സി​സി​യോണിൽ ഗവേഷകർ വൻ കണ്ടെത്തിൽ നടത്തി. സി​സി​യോ​ണി​ൽ റോ​മ​ൻ കാ​ല​ഘ​ട്ട​ത്തി​ലെ ഒ​രു ​വൈ​ൻ ഷോ​പ്പ് ആ​ണു ഖനനത്തിൽ ക​ണ്ടെ​ത്തി​യ​ത്. വൈ​ൻ ഷോ​പ്പി​ന് 1,600 വ​ർ​ഷം പ​ഴ​ക്ക​മു​ണ്ടെ​ന്നു ഗ​വേ​ഷ​ക​ർ അ​ഭി​പ്രാ​യ​പ്പെ​ടു​ന്നു. അ​തൊ​രു സാ​ധാ​ര​ണ വൈ​ൻ ഷോ​പ്പ് ആ​യി​രു​ന്നി​ല്ല. അ​ക്കാ​ല​ത്തെ ആ​ഡം​ബ​ര മ​ദ്യ​ശാ​ല​ക​ളി​ലൊ​ന്നാ​യി​രു​ന്നു അ​ത്. പെ​ട്ടെ​ന്നു​ണ്ടാ​യ പ്ര​കൃ​തി ദു​ര​ന്ത​ത്തി​ലോ ആ​ക്ര​മ​ണ​ത്തി​ലോ ആ​യി​രി​ക്കാം മ​ദ്യ​ശാ​ല ത​ക​ർ​ന്ന​തെ​ന്നും അ​വ​ർ പ​റ​യു​ന്നു.

കാ​ന​ഡ​യി​ലെ വി​ൽ​ഫ്രി​ഡ് ലോ​റി​യ​ർ യൂ​ണി​വേ​ഴ്സി​റ്റി​യി​ലെ പു​രാ​വ​സ്തു ഗ​വേ​ഷ​ക​നാ​യ സ്കോ​ട്ട് ഗാ​ലി​മോ​റും ഓ​സ്റ്റി​ൻ കോ​ള​ജി​ലെ ക്ലാ​സി​ക് പ​ണ്ഡി​ത​നാ​യ മാ​ർ​ട്ടി​ൻ വെ​ൽ​സു​മാ​ണു ഗ​വേ​ഷ​ണ​ങ്ങ​ൾ​ക്കു പി​ന്നി​ൽ. ജ​നു​വ​രി​യി​ൽ ചി​ക്കാ​ഗോ​യി​ൽ ന​ട​ന്ന ആ​ർ​ക്കി​യോ​ള​ജി​ക്ക​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് അ​മേ​രി​ക്ക​യു​ടെ വാ​ർ​ഷി​ക യോ​ഗ​ത്തി​ൽ അ​വ​ർ ത​ങ്ങ​ളു​ടെ ക​ണ്ടെ​ത്ത​ലു​ക​ൾ അ​വ​ത​രി​പ്പി​ക്കു​ക​യും ചെ​യ്തു.

മ​ദ്യ​ശാ​ല​യ്ക്കു​ള്ളി​ൽ​നി​ന്ന് മാ​ർ​ബി​ൾ മേ​ശ​ക​ളും പൊ​ട്ടി​യ മ​ൺ​പാ​ത്ര​ങ്ങ​ളും 60 വെ​ങ്ക​ല നാ​ണ​യ​ങ്ങ​ളും ഗ​വേ​ഷ​ക​ർ ക​ണ്ടെ​ടു​ത്തു. 337 മു​ത​ൽ 361 വ​രെ നീ​ണ്ടു​നി​ന്ന കോ​ൺ​സ്റ്റാ​ന്‍റി​റി​യ​സ് ര​ണ്ടാ​മ​ന്‍റെ ഭ​ര​ണ​കാ​ല​ത്താ​ണു പ​ല നാ​ണ​യ​ങ്ങ​ളും നി​ർ​മി​ച്ച​ത്. നാ​ണ​യ​ങ്ങ​ൾ മ​ദ്യ​ശാ​ല​യു​ടെ ത​റ​യി​ൽ ചി​ത​റി​ക്കി​ട​ക്കു​ന്ന​രീ​തി​യി​ലാ​യി​രു​ന്നു. ഒ​രു സെ​റാ​മി​ക് പാ​ത്ര​ത്തി​ലോ ഏ​തെ​ങ്കി​ലും ത​ര​ത്തി​ലു​ള്ള പാ​ത്ര​ത്തി​ലോ സൂ​ക്ഷി​ച്ച​താ​യി​രി​ക്കാം നാ​ണ​യ​ങ്ങ​ൾ. പെ​ട്ടെ​ന്നു​ണ്ടാ​യ ദു​ര​ന്ത​ത്തി​ൽ അ​ല്ലെ​ങ്കി​ൽ മ​ദ്യ​ശാ​ല ന​ശി​പ്പി​ക്ക​പ്പെ​ട്ട​പ്പോ​ൾ പാ​ത്ര​ങ്ങ​ൾ ത​റ​യി​ൽ വീ​ഴു​ക​യും നാ​ണ‍​യ​ങ്ങ​ൾ ചി​ത​റി​പ്പോ​യ​തു​മാ​കാം.

മ​ദ്യ​ശാ​ല ത​ക​രാ​നു​ള്ള കാ​ര​ണ​ങ്ങ​ൾ കൃ​ത്യ​മാ​യി വി​ശ​ദീ​ക​രി​ക്കാ​ൻ ക​ഴി​ഞ്ഞി​ട്ടി​ല്ല. അ​തേ​ക്കു​റി​ച്ചു കൂ​ടു​ത​ൽ പ​ഠ​ന​ങ്ങ​ൾ ന​ട​ക്കു​ന്നു​ണ്ട്. ഭൂ​ക​മ്പ​മോ, അ​പ​ക​ട​ക​ര​മാ​യ കാ​ലാ​വ​സ്ഥ​യോ

ആ​കാ​മെ​ന്ന് അ​വ​ർ ക​രു​തു​ന്നു. ഗ​വേ​ഷ​ക​ർ അ​ഭി​പ്രാ​യ​പ്പെ​ടു​ന്ന​തി​ന​നു​സ​രി​ച്ച് ക​ട​യി​ൽ വൈ​ൻ മാ​ത്ര​മ​ല്ല, ഒ​ലി​വ് ഓ​യി​ൽ പോ​ലു​ള്ള വി​വി​ധ വ​സ്തു​ക്ക​ളും വി​ൽ​പ്പ​ന​യ്ക്കു വ​ച്ചി​രു​ന്നു. മു​ന്തി​രി​യും ഒ​ലി​വും പാ​ക​പ്പെ​ടു​ത്തു​ന്ന​തി​നു​ള്ള ഉ​പ​ക​ര​ണ​ങ്ങ​ൾ ഉ​ൾ​പ്പെ​ടു​ന്ന ഒ​രു വ​ലി​യ കെ​ട്ടി​ട​സ​മു​ച്ച​യ​ത്തി​ന്‍റെ ഭാ​ഗ​മാ​യി​രു​ന്നു ഇ​പ്പോ​ൾ ക​ണ്ടെ​ത്താ​ൻ ക​ഴി​ഞ്ഞ സൈ​റ്റ്. ന​ശി​പ്പി​ക്ക​പ്പെ​ട്ട​തി​നെ​ത്തു​ട​ർ​ന്ന് വൈ​ൻ ഷോ​പ്പ് ഉ​പേ​ക്ഷി​ക്ക​പ്പെ​ട്ട​താ​യും ഗ​വേ​ഷ​ക​ർ ക​രു​തു​ന്നു.