വനിതാ ശാക്തീകരണം ; ധാരാണാ പത്രത്തിൽ ഒപ്പ് വച്ച് വിമൻ എസ്റ്റാബ്ലിഷ്മെന്റും ജിഡിആർഎഫ്എയും
വനിത ശാക്തീകരണത്തിനും സമഗ്ര വികസനത്തിനും ഊന്നൽ നൽകി ദുബൈ വിമൻ എസ്റ്റാബ്ലിഷ്മെന്റും (ഡി.ഡബ്ല്യു.ഇ) ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്‌സ് അഫയേഴ്‌സും (ജി.ഡി.ആർ.എഫ്.എ) തമ്മിൽ ധാരണാപത്രത്തിൽ ഒപ്പുവച്ചു.
സ്ത്രീകൾക്ക് പിന്തുണ നൽകുന്നതിനും എല്ലാ മേഖലകളിലെയും വികസന പ്രക്രിയയിൽ അവരുടെ സജീവ പങ്കാളിത്തം ഉറപ്പാക്കുന്നതിനുമുള്ള യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ്‌ മുഹമ്മദ് ബിൻ റാഷിദ് ആൽ മക്തൂമിന്‍റെ കാഴ്ചപ്പാടുകൾ നടപ്പാക്കുന്നതിന്‍റെ ഭാഗമായാണ് ധാരണ.
ജി.ഡി.ആർ.എഫ്.എയുടെ ആസ്ഥാനത്ത് നടന്ന ചടങ്ങിൽ മേധാവി ലഫ്റ്റനന്‍റ് ജനറൽ മുഹമ്മദ് അഹ്‌മദ്‌ അൽ മർറിയും ഡി.ഡബ്ല്യു.ഇ ചെയർപേഴ്സനും മാനേജിങ് ഡയറക്ടറുമായ മോനാ അൽ മർറിയുമാണ് ധാരണാപത്രത്തിൽ ഒപ്പുവെച്ചത്.