റാക് സെക്യൂരിറ്റി സോണ് റമദാനോടനുബന്ധിച്ച കായികപ്രവര്‍ത്തനങ്ങളുടെ ഭാഗമായി വോളിബാള് മത്സരം തുടങ്ങി. സുരക്ഷാ ഉദ്യോഗസ്ഥരുടെ മാനസിക-ആരോഗ്യ വശങ്ങളില്‍ ഗുണപരമായ സ്വാധീനം ലക്ഷ്യമിട്ടാണ് കായിക മത്സരങ്ങള്‍ ആസൂത്രണം ചെയ്തിരിക്കുന്നതെന്ന് അധികൃതര്‍ പറഞ്ഞു.
റിസോഴ്സ് ആൻഡ് സപ്പോര്ട്ട് സര്‍വിസസ് ബ്രിഗേഡിയര്‍ ജനറല്‍ മുഹമ്മദ് ഉബൈദ് അല്‍ ഖത്രി ഉദ്ഘാടനം ചെയ്തു. റിസോഴ്സ് ഡെപ്യൂട്ടി ഡയറക്ടര്‍ ജനറല്‍ ബ്രിഗേഡിയര്‍ റാഷിദ് സാലിം ബിന്‍ യാക്കൂബ്, സ്പോര്ട്സ് ആക്ടിവിറ്റി വിഭാഗം മേധാവി ലെഫ്. കേണല്‍ അബ്ദുല്ല ബിന്‍ സുല്‍ത്താന്‍ അല്‍ ഖാസിമി എന്നിവര്‍ സംബന്ധിച്ചു.