ക്രിസ്മസ് പ്രമാണിച്ച് റേഡിയോ കേരളം 1476 എ.എം ഒരു കേക്ക് മിക്സിംഗ് സെറിമണി ഒരുക്കുന്നു. മനോഹരമായ ഈ ദൃശ്യവിരുന്ന് നവംബർ 15 വെള്ളിയാഴ്ച യു.എ.ഇ സമയം രാത്രി 10ന്, റേഡിയോ കേരളം ആപ്പിലും റേഡിയോ കേരളത്തിൻ്റെ സോഷ്യൽ മീഡിയ ഹാൻഡിലുകളിലും കാണാം. ഇതിൻ്റെ ഓഡിയോരൂപം റേഡിയോ കേരളം 1476 എ.എമ്മിൽ കേൾക്കാനും കഴിയും.
'ടീം റേഡിയോ കേരളം' നേതൃത്വം നൽകുന്ന ഈ പരിപാടിയിൽ സെലിബ്രിറ്റികൾ, വൈദികശ്രേഷ്ഠർ, പാചകവിദഗ്ധർ തുടങ്ങിയവർ പങ്കെടുക്കും.
ക്രിസ്തീയ ഭക്തിഗാനങ്ങളുടെയും കരോൾ സംഗീതത്തിൻ്റെയും ടീം റേഡിയോ കേരളം തയ്യാറാക്കിയ കേക്ക് പാട്ടിൻ്റെയും അകമ്പടിയോടെയാണ് ഈ ദൃശ്യവിരുന്ന് അവതരിപ്പിക്കുന്നത്.
ശ്രോതാക്കളുടെ പങ്കാളിത്തത്തോടെ റേഡിയോ കേരളം ഒരുക്കുന്ന വിവിധ ക്രിസ്മസ് പരിപാടികളുടെയും മത്സരങ്ങളുടെയും ഔദ്യോഗിക പ്രഖ്യാപനവും 'കേക്ക് മിക്സിംഗ് സെറിമണി'യിൽ ഉണ്ടായിരിക്കും.