ദുബായ് ഭരണാധികാരികളുടെ മുഖചിത്രവുമായി സ്വർണം, വെള്ളി നാണയങ്ങൾ പുറത്തിറക്കി. യുഎഇ പ്രസിഡൻറ് ഷെയ്ഖ് മുഹമ്മദ് ബിൻ സായിദ് ആൽ നഹ്യാൻ, യുഎഇ വൈസ് പ്രസിഡൻറും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാശിദ് ആൽ മക്തൂം എന്നിവരുടെ മുഖചിത്രങ്ങൾ പതിച്ച നാണയങ്ങൾ ആണ് ദുബായ് മൾട്ടി കമ്മോഡിറ്റീസ് സെൻററാണ് പുറത്തിറക്കിയിരിക്കുന്നത്.
നാണയങ്ങൾ വിപണിയിൽ എത്തുന്നത് റമദാൻ മാസത്തിന് ശേഷമായിരിക്കും. ചെക് റിപ്പബ്ലിക്കിൻറെ സെൻട്രൽ ബാങ്കിലേക്കുള്ള കറൻസി നാണയങ്ങളുടെ ഔദ്യോഗിക വിതരണക്കാരായ ചെക്ക് മിൻറുമായുള്ള പങ്കാളിത്തത്തിലാണ് നാണയങ്ങൾ ദുബായ് പുറത്തിറക്കിയിരിക്കുന്നതെന്ന് അധികൃതർ പറഞ്ഞു. സാദിയാത്ത് ദ്വീപിൽ സ്ഥിതിചെയ്യുന്ന ആർട്ട് മ്യൂസിയമായ ലൂവ്ർ അബുദാബിയുടെ ചിത്രം വെച്ചുള്ള നാണയം പുറത്തിറക്കിയിട്ടുണ്ട്.