ദുബായിലെ ഇമിഗ്രേഷൻ ജീവനക്കാർക്ക് മാറ്റങ്ങളോടൊപ്പം പുതിയ വെല്ലുവിളികളുമായി പൊരുത്തപ്പെടാൻ ദുബായ് ഇമിഗ്രേഷൻ വിഭാഗം 'റെപ്യൂട്ടേഷൻ അംബാസഡേഴ്‌സ് പ്രോഗ്രാം' എന്ന പേരിൽ ട്രെയിനിങ് പരിപാടി ആരംഭിച്ചു. ഉപഭോക്താക്കൾക്ക് ഏറ്റവും മികച്ച സേവനങ്ങൾ നൽകുന്നതിന് പ്രതിജ്ഞാബദ്ധമായ ദുബായിലെ പ്രമുഖ സർക്കാർ സ്ഥാപനമെന്ന നിലയിൽ,ഡിപ്പാർട്ട്മെന്റിന്റെ പ്രശസ്തിയും കോർപ്പറേറ്റ് ഐഡന്റിറ്റിയും വർദ്ധിപ്പിക്കാനും ലക്ഷ്യംവെച്ചാണ് പരിശീലന പരിപാടി
സ്ഥാപനപരമായ മൂല്യങ്ങളോടുള്ള പ്രതിബദ്ധത ശക്തിപ്പെടുത്തുന്നതിനും ജീവനക്കാരെ പ്രചോദിപ്പിക്കുന്നതിനും ലക്ഷ്യമിട്ടുള്ള വിവിധ പരിശീലന സെഷനുകൾ, വർക്ക് ഷോപ്പുകൾ, മിനി ഇവന്റുകൾ എന്നിവ ഈ പ്രോഗ്രാമിൽ ഉൾപ്പെടുന്നു. ഇൻസ്റ്റിറ്റിയൂഷണൽ മൂല്യങ്ങളുടെ ആശയങ്ങൾ, തൊഴിൽ അന്തരീക്ഷത്തിലെ ആപ്ലിക്കേഷൻ മെക്കാനിസങ്ങൾ, പോസിറ്റീവ് തൊഴിൽ അന്തരീക്ഷത്തിനുള്ളിൽ പോസിറ്റീവ് സന്ദേശങ്ങൾ കൈമാറുന്നതിനുള്ള ഫലപ്രദമായ ആശയവിനിമയ തന്ത്രങ്ങൾ എന്നിവയെക്കുറിച്ച് സമഗ്രമായ പരിശീലനം പ്രോഗ്രാമിന്റെ ഭാഗമായി നൽകും
കോർപ്പറേറ്റ് മൂല്യങ്ങളോടുള്ള പ്രതിബദ്ധത വർദ്ധിപ്പിക്കാനും ജോലിയുടെ ഗുണനിലവാരം മെച്ചപ്പെടുത്താനും ഉയർന്ന സേവന വിതരണ നിലവാരം ഉയർത്തിപ്പിടിക്കാനും 'റെപ്യൂട്ടേഷൻ അംബാസഡേഴ്‌സ്' പ്രോഗ്രാമിലൂടെ ഇ ലക്ഷ്യമിടുന്നു. ആശയവിനിമയ കഴിവുകൾ വികസിപ്പിക്കുക, ടീം വർക്ക് പ്രോത്സാഹിപ്പിക്കുക, നല്ല തൊഴിൽ അന്തരീക്ഷം വളർത്തുക, ഡിപ്പാർട്ട്മെന്റിന്റെ പ്രശസ്തിയുടെ നേതാക്കളും അംബാസഡർമാരും ആകാൻ ജീവനക്കാരെ ശാക്തീകരിക്കുക എന്നിവയിലും പ്രോഗ്രാം ശ്രദ്ധ കേന്ദ്രീകരിക്കുന്നു.ഒപ്പം തന്നെ ഡിപ്പാർട്ട്മെന്റിന്റെ പ്രതിച്ഛായ വർദ്ധിപ്പിക്കുന്നതിനുള്ള ഉത്തരവാദിത്തം പ്രോത്സാഹിപ്പിക്കുന്നതിലൂടെയും ആശയ വിനിമയത്തിലൂടെ നവീകരണവും മെച്ചപ്പെടുത്തലും പ്രോത്സാഹിപ്പിക്കുന്നതിലൂടെയും , ഡിപ്പാർട്ട്‌മെന്റിൽ തുടർച്ചയായ വികസനത്തിന്റെ ഒരു സംസ്‌കാരം വളർത്തിയെടുക്കാൻ പ്രോഗ്രാം ലക്ഷ്യമിടുന്നുവെന്ന് ദുബായ് ഇമിഗ്രേഷൻ മേധാവി ലഫ്റ്റനന്റ് ജനറൽ മുഹമ്മദ് അഹ്‌മദ് അൽ മർറി അറിയിച്ചു