ദുബായ് ഗ്ലോബൽ വില്ലേജിന്റെ 27-ാം സീസണിൻറെ ടിക്കറ്റ് നിരക്ക് പ്രഖ്യാപിച്ചു; ഓൺലൈനിൽ ടിക്കറ്റ് ബുക്ക് ചെയ്യുന്നവർക്ക് പത്ത് ശതമാനം വരെ ഇളവ്

ദുബായ് ഗ്ലോബൽ വില്ലേജിന്റെ 27-ാം സീസണിലേക്ക് ടിക്കറ്റ് നിരക്കും ഓഫറുകളും പ്രഖ്യാപിച്ചു. ഒക്ടോബർ 25നാണ് ദുബൈ ഗ്ലോബൽ വില്ലേജ് ആരംഭിക്കുക. ഓൺലൈനിൽ ടിക്കറ്റ് ബുക്ക് ചെയ്യുന്നവർക്ക് പത്ത് ശതമാനം വരെ ഇളവാണ് നൽകുന്നത്.

18 ദിർഹം മുതലാണ് ടിക്കറ്റ് നിരക്ക്. വാല്യൂ ടിക്കറ്റ് എടുക്കുന്നവർക്ക് ഞായർ മുതൽ വ്യാഴം വരെ ദിവസങ്ങളിലായിരിക്കും പ്രവേശനം. പൊതു അവധി ദിനങ്ങളിലും പ്രവേശനമുണ്ടാകില്ല. എന്നാൽ, 'എനി ഡേ' ടിക്കറ്റ് എടുക്കുന്നവർക്ക് എല്ലാ ദിവസവും പ്രവേശിക്കാം. ഗ്ലോബൽ വില്ലേജിന്റെ വെബ്‌സൈറ്റിലൂടെയോ മൊബൈൽ ആപ്പിലൂടെയോ ടിക്കറ്റെടുക്കുന്നവർക്കാണ് 10 ശതമാനം ഇളവ് നൽകുന്നത്.