ദു​ബൈ-​അ​ബൂ​ദ​ബി ഷെ​യ​ർ ടാ​ക്സി പ​രീ​ക്ഷ​ണ ഓ​ട്ടം തു​ട​ങ്ങി

ദു​ബൈ​യി​ല്‍നി​ന്ന്​ അ​ബൂ​ദ​ബി​യി​ലേ​ക്ക്​ പു​തു​താ​യി ഷെ​യ​റി​ങ് ടാ​ക്‌​സി സേ​വ​ന​ങ്ങ​ൾ​ക്ക്​ തു​ട​ക്ക​മി​ട്ട്​ ദു​ബൈ റോ​ഡ്​ ഗ​താ​ഗ​ത അ​തോ​റി​റ്റി (ആ​ര്‍.​ടി.​എ). നി​ല​വി​ല്‍ എ​മി​റേ​റ്റു​ക​ള്‍ക്കി​ട​യി​ലെ ടാ​ക്‌​സി യാ​ത്ര നി​ര​ക്കി​ന്‍റെ 75 ശ​ത​മാ​നം വ​രെ ലാ​ഭി​ക്കാ​ന്‍ പു​തി​യ സം​രം​ഭ​ത്തി​ലൂ​ടെ സാ​ധി​ക്കും. ദു​ബൈ ഇ​ബ്ന്‍ ബ​ത്തൂ​ത്ത സെ​ന്‍റ​റി​നും അ​ബൂ​ദ​ബി അ​ല്‍ വ​ഹ്ദ സെ​ന്‍റ​റി​നു​മി​ട​യി​ലാ​ണ് ഇ​പ്പോ​ള്‍ പ​രീ​ക്ഷ​ണ​യോ​ട്ടം ന​ട​ത്തു​ന്ന​ത്. ഒ​രു വാ​ഹ​ന​ത്തി​ല്‍ നാ​ലു​പേ​ര്‍ക്ക് സ​ഞ്ച​രി​ക്കാ​നാ​വും.

തി​ക​ച്ചും സൗ​ക​ര്യ​പ്ര​ദ​വും ചെ​ല​വ് കു​റ​ഞ്ഞ​തു​മാ​യ പു​തി​യ ഗ​താ​ഗ​ത സേ​വ​നം അ​ടു​ത്ത ആ​റ് മാ​സ​ത്തേ​ക്ക് പ​രീ​ക്ഷി​ക്കാ​നാ​ണ് ആ​ർ.​ടി.​എ​യു​ടെ തീ​രു​മാ​നം. ഇ​രു എ​മി​റേ​റ്റു​ക​ള്‍ക്കി​ട​യി​ലെ പ​തി​വ് യാ​ത്ര​ക്കാ​ര്‍ക്ക് സേ​വ​നം പ്ര​യോ​ജ​ന​പ്പെ​ടു​മെ​ന്ന് ആ​ര്‍.​ടി.​എ​യി​ലെ പൊ​തു​ഗ​താ​ഗ​ത ഏ​ജ​ന്‍സി പ്ലാ​നി​ങ് ആ​ന്‍ഡ് ബി​സി​ന​സ് ഡ​വ​ല​പ്മെ​ന്‍റ്​ മേ​ധാ​വി അ​ദേ​ല്‍ ശ​ക് രി ​പ​റ​ഞ്ഞു. യാ​ത്ര​നി​ര​ക്ക് പ​ര​സ്പ​രം പ​ങ്കി​ട്ടെ​ടു​ക്കു​ന്ന​ത് ഗു​ണ​ക​ര​മാ​കും. ബാ​ങ്ക് കാ​ര്‍ഡ്, നോ​ല്‍ കാ​ര്‍ഡ് എ​ന്നി​വ വ​ഴി​യും യാ​ത്ര നി​ര​ക്ക് അ​ട​ക്കാം.

ദു​ബൈ​യി​ൽ​നി​ന്ന്​ അ​ബൂ​ദ​ബി​യി​ലേ​ക്ക്​ ഒ​റ്റ​ക്ക്​ സ​ഞ്ച​രി​ക്കു​ക​യാ​ണേ​ൽ 200 ദി​ർ​ഹ​മി​ന​ടു​ത്ത്​ ടാ​ക്സി നി​ര​ക്ക്​ ന​ൽ​ക​ണം. ഷെ​യ​ർ ടാ​ക്സി വ​ഴി നാ​ലു​പേ​ർ​ക്ക്​ സ​ഞ്ച​രി​ക്കാ​മെ​ന്ന​തി​നാ​ൽ നി​ര​ക്ക്​ പ​ങ്കി​ട്ടെ​ടു​ക്കാ​ൻ ക​ഴി​യും. ഷെ​യ​ര്‍ ടാ​ക്‌​സി​ക​ള്‍ പ്രോ​ത്സാ​ഹി​പ്പി​ക്കു​ന്ന​തി​ലൂ​ടെ ഗ​താ​ഗ​ത​ക്കു​രു​ക്കും കാ​ര്‍ബ​ണ്‍ പു​റ​ന്ത​ള്ള​ലും കു​റ​ക്കാ​നും അ​ന​ധി​കൃ​ത യാ​ത്ര സേ​വ​ന​ങ്ങ​ള്‍ നി​ര്‍ത്ത​ലാ​ക്കാ​നും ക​ഴി​യു​മെ​ന്നും അ​ല്‍ ശ​ക് രി ​പ​റ​ഞ്ഞു. പ​രീ​ക്ഷ​ണം വി​ജ​യി​ച്ചാ​ൽ ഭാ​വി​യി​ൽ മ​റ്റ്​ എ​മി​റേ​റ്റു​ക​ളി​ലേ​ക്ക്​ കൂ​ടി സേ​വ​നം വ്യാ​പി​പ്പി​ക്കാ​നാ​ണ്​ തീ​രു​മാ​നം.