ഗുണ്ടാസംഘങ്ങൾ ലോകത്തിന്റെ എല്ലായിടങ്ങളിലുമുണ്ട്. ചരിത്രത്തിന്റെ ഏടുകളിൽ ആയിരങ്ങൾ ക്രിമിനൽ സംഘങ്ങൾക്ക് ഇരയായിട്ടുണ്ട്. നാടൻ ആയുധങ്ങൾ മുതൽ അത്യാധുനിക സാങ്കേതികവിദ്യയും ആയുധങ്ങളും ഉപയോഗിക്കുന്നവരും ഇക്കൂട്ടത്തിൽപ്പെടുന്നു. സ്ത്രീകൾ വരെ അംഗങ്ങളായുള്ള ക്രിമിനൽ സംഘങ്ങളുണ്ട്. എന്നാൽ, ചില സംഘങ്ങൾക്ക് നൂറുകണക്കിന് വർഷങ്ങളുടെ പഴക്കമുണ്ടെന്ന് നിങ്ങൾക്കറിയാമോ? ലോകത്തിലെ അഞ്ച് പഴയ ഗുണ്ടാസംഘങ്ങൾ ഏതെന്നു നോക്കൂ...
യാക്കുസ
സ്ഥാപിതമായ വർഷം: 1612
ഉത്ഭവം: ജപ്പാൻ
സ്ഥാപകൻ: അജ്ഞാതൻ
പ്രവർത്തനം: ക്രിമിനൽ ഗ്രൂപ്പ്
പതിനേഴാം നൂറ്റാണ്ട് മുതൽ ചരിത്രമുള്ള ഒരു ജാപ്പനീസ് സംഘടിത ക്രിമിനൽ സംഘമാണ് യാക്കുസ. അതുപോലെ, നിരവധി നൂറ്റാണ്ടുകളുടെ പാരമ്പര്യമുള്ള ലോകത്തിലെ ഏറ്റവും പഴക്കം ചെന്ന സംഘമായി ഇതു പരക്കെ കണക്കാക്കപ്പെടുന്നു.
ദി ട്രയാഡ്സ്
സ്ഥാപിതമായ വർഷം: 1760
ഉത്ഭവം: ഹോങ്കോങ്, മക്കാവു, തായ്വാൻ
സ്ഥാപകൻ: അജ്ഞാതൻ
പ്രവർത്തനം: ക്രിമിനൽ ഗ്രൂപ്പ്
1760കളിൽ ഹോങ്കോംഗ്, മക്കാവു, തായ്വാൻ എന്നിവിടങ്ങളിൽ ഉത്ഭവിച്ച ഒരു ക്രിമിനൽ ഗ്രൂപ്പാണ് ദി ട്രയാഡ്സ്, ചൈനീസ് ട്രയാഡ് ഗാംഗ് എന്നും അറിയപ്പെടുന്നു. സംഘത്തിന്റെ സങ്കീർണമായ ചരിത്രം പുരാതന ചൈനയിൽ നിന്നാണ്.
സിസിലിയൻ മാഫിയ
സ്ഥാപിതമായ വർഷം: 1800കളുടെ ആരംഭം
ഉത്ഭവം: സിസിലി, ഇറ്റലി
സ്ഥാപകൻ: അജ്ഞാതൻ
പ്രവർത്തനം: സ്വതന്ത്ര ക്രിമിനൽ സംഘം
ലോകത്തിലെ ഏറ്റവും പഴക്കമേറിയതും കുപ്രസിദ്ധവുമായ ക്രിമിനൽ സംഘടനകളിൽ ഒന്നാണ് കോസ നോസ്ട്ര എന്നും അറിയപ്പെടുന്ന സിസിലിയൻ മാഫിയ. 19ാം നൂറ്റാണ്ടിന്റെ മധ്യത്തിൽ ഇറ്റലിയിലെ സിസിലിയിൽ ഇത് ഉത്ഭവിച്ചു, അതിനുശേഷം യുണൈറ്റഡ് സ്റ്റേറ്റ്സ് ഉൾപ്പെടെ ആഗോളതലത്തിൽ സംഘം പ്രവർത്തനങ്ങൾ വിപുലീകരിച്ചു.
40 തീവ്സ്
സ്ഥാപിതമായ വർഷം: 1825
ഉത്ഭവം: ന്യൂയോർക്ക്, യുണൈറ്റഡ് സ്റ്റേറ്റ്സ്
സ്ഥാപകൻ: എഡ്വേർഡ് കോൾമാൻ
പ്രവർത്തനം: ക്രിമിനൽ സ്ട്രീറ്റ് സംഘം
19ാം നൂറ്റാണ്ടിന്റെ അവസാനം മുതൽ 20ാം നൂറ്റാണ്ടിന്റെ പകുതി വരെ ലണ്ടനിലെ കുപ്രസിദ്ധമായ ഒരു പെൺ കുറ്റകൃത്യ സംഘടനയായിരുന്നു ഫോർട്ടി എലിഫന്റ്സ് എന്നും അറിയപ്പെടുന്ന 40 തീവ്സ്.
അറേബ്യൻ നൈറ്റ്സിൽ നിന്നുള്ള ഒരു കഥയായ അലി ബാബയും നാൽപ്പത് കള്ളന്മാരും എന്നതിൽ നിന്നാണ് ഗ്രൂപ്പിന്റെ പേര് ഉരുത്തിരിഞ്ഞത്. അംഗങ്ങളെ 'ആനകൾ' എന്ന് വിളിക്കുന്നു.
മോഷണം, പോക്കറ്റടി, കള്ളക്കടത്ത് തുടങ്ങി വിവിധ ക്രിമിനൽ പ്രവർത്തനങ്ങളിൽ ഏർപ്പെട്ടിരുന്നു.
ദി ബ്ലാക്ക് ഹാൻഡ്
സ്ഥാപിതമായ വർഷം: 1911
ഉത്ഭവം: സെർബിയ
സ്ഥാപകൻ: കേണൽ ഡ്രാഗുട്ടിൻ ഡിമിട്രിജെവിക്
പ്രവർത്തനം: സംഘടിത കുറ്റകൃത്യം
19ാം നൂറ്റാണ്ടിന്റെ അവസാനത്തിലും 20ാം നൂറ്റാണ്ടിന്റെ തുടക്കത്തിലും യുണൈറ്റഡ് സ്റ്റേറ്റ്സിലെ ഒരു കുപ്രസിദ്ധ ക്രിമിനൽ സംഘടനയായിരുന്നു ബ്ലാക്ക് ഹാൻഡ് സംഘം. അതിന്റെ അംഗങ്ങൾ ചില അംഗങ്ങൾ സർക്കാർ സർവീസിലുള്ളവരും സൈനിക ഉദ്യോഗസ്ഥരുമായിരുന്നു.