സിറിയയിലെ അഭയാർഥി ക്യാമ്പിൽ ഫുട്ബോൾ സ്റ്റേഡിയം പണിത് ഖത്തർ ചാരിറ്റി. അലെപ്പോയിലെ സൊഗ്റ ക്യാമ്പിലാണ് അഭയാർഥികൾക്കായി സ്റ്റേഡിയം പണിത് നൽകിയത്. സിറിയയിലെ ആഭ്യന്തര പ്രശ്നങ്ങൾ കാരണം വീട് നഷ്ടപ്പെട്ട ആയിരങ്ങളാണ് ഇവിടെ താമസിക്കുന്നത്. ഈ ക്യാമ്പിലെ യുവാക്കളുടെയും കുട്ടികളുടെയും കായികവും മാനസികവുമായ വികസനമാണ് ലക്ഷ്യം. ഖത്തർ ലോകകപ്പിന്റെ ലെഗസി പ്രോഗ്രാമിന്റെ ഭാഗമായാണ് സ്റ്റേഡിയം നിർമിച്ചത്.