ജമ്മു കശ്മീരീനെ കേന്ദ്ര ഭരണപ്രദേശമാക്കി മാറ്റിയ വിഷയം; താത്കാലികമായുള്ള തീരുമാനമെന്ന് കേന്ദ്രം സുപ്രീംകോടതിയിൽ

ജമ്മു കാശ്മീരിനെ കേന്ദ്ര ഭരണ പ്രദേശമാക്കി മാറ്റിയത് താത്കാലികമായി മാത്രമാണെന്ന് കേന്ദ്ര സർക്കാർ സുപ്രീംകോടതിയെ അറിയിച്ചു. കശ്മീർ വിഭജന കേസ് പരിഗണിക്കവെ സോളിസിറ്റർ ജനറൽ തുഷാർമേത്തയാണ് കേന്ദ്രനിലപാട് വ്യക്തമാക്കിയത്.ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ഭരണ ഘടന ബെഞ്ചാണ് ഹർജി പരിഗണിക്കുന്നത്. കാശ്മീരിൽ എപ്പോൾ വേണമെങ്കിലും തെരഞ്ഞെടുപ്പ് നടത്താൻ തയ്യാറാണെന്നും തെരഞ്ഞെടുപ്പ് കമ്മീഷൻ പ്രഖ്യാപിച്ചാൽ സർക്കാർ തെരഞ്ഞെടുപ്പിന് തയ്യാറാണെന്നും കേന്ദ്രം കോടതിയെ അറിയിച്ചു.