ലഹരിക്ക് പണംകണ്ടെത്താൻ മക്കളെ വിറ്റു; വിറ്റത് 74,000 രൂപയ്ക്ക്, മാതാപിതാക്കൾ അടക്കം 4 പേർ അറസ്റ്റിൽ
52 ദിവസം പ്രായമുള്ള പെൺകുഞ്ഞിനെയും 2 വയസ്സുള്ള ആൺകുട്ടിയെയും ലഹരിക്ക് പണം കണ്ടെത്താൻ വിറ്റ സംഭവത്തിൽ മാതാപിതാക്കൾ ഉൾപ്പെടെ 4 പേർ പിടിയിൽ. പെൺകുഞ്ഞിനെ 14,000 രൂപയ്ക്കും ആൺകുട്ടിയെ 60,000 രൂപയ്ക്കുമാണ് വിറ്റത്. ആൺകുട്ടിയെയും വാങ്ങിയയാളെയും പൊലീസ് കണ്ടെത്തി.
കുട്ടി ശിശുക്ഷേമ സമിതിയുടെ സംരക്ഷണത്തിലാണ്. പെൺകുട്ടിക്കായുള്ള അന്വേഷണം തുടരുകയാണ്. മാതാപിതാക്കളായ ഷംസീർ ഖാൻ, സാനിയ ഖാൻ, ഏജന്റ് ഉഷ, ആൺകുട്ടിയെ വാങ്ങിയ ഷക്കീൽ എന്നിവരാണ് പിടിയിലായത്. സഹോദരി പൊലീസിൽ പരാതി നൽകിയതോടെയാണ് പണത്തിനായി കുട്ടികളെ വിറ്റെന്ന വിവരമറിയുന്നത്.