കേരള സ്റ്റോറിയ്ക്ക് പകരം മണിപ്പുർ ഡോക്യുമെൻററി; കലാപത്തെ കുറിച്ചുള്ള ഡോക്യുമെന്ററി പ്രദർശിപ്പിക്കാൻ വൈപ്പിൻ പള്ളി
കേരള സ്റ്റോറി വിവാദത്തിനിടെ മണിപ്പുർ കലാപത്തെക്കുറിച്ചുള്ള ഡോക്യുമെൻററി പ്രദർശിപ്പിക്കാൻ വൈപ്പിൻ സാൻജോപുരം സെന്റ് ജോസഫ്‌സ് പള്ളി. സിറോ മലബാർ സഭ എറണാകുളം അങ്കമാലി അതിരൂപതയിലെ ഇൻറൻസീവ് ബൈബിൾ കോഴ്‌സിൻറെ ഭാഗമായാണ് വിശ്വാസ പരിശീലനത്തിനെത്തുന്ന വിദ്യാർഥികളെ ഡോക്യുമെൻററി കാണിക്കുന്നത്. 'ദ് ക്രൈ ഓഫ് ദ് ഒപ്രസ്ഡ്' എന്ന ഡോക്യുമെൻററിയാണ് പ്രദർശിപ്പിക്കുന്നത്.
മണിപ്പുർ കലാപത്തെകുറിച്ചും കുട്ടികൾ അറിഞ്ഞിരിക്കണമെന്നതാണ് നിലപാട്. സഭയിലെ മറ്റു രൂപതകളിൽ കേരള സ്റ്റോറി സിനിമ കാണിച്ചതിൻറെ പിന്നാലെ മണിപ്പുർ കലാപത്തെക്കുറിച്ചാണ് കുട്ടികളെ ബോധവൽകരിക്കേണ്ടതെന്ന നിലപാടുമായി എറണാകുളം അങ്കമാലി അതിരൂപതയിലെ ഒരു പള്ളി രംഗത്തെത്തിയിരിക്കുന്നത്.