ഇടുക്കിയിൽ കാട്ടാന ആക്രമണം; ബൈക്കിൽ സഞ്ചരിച്ച ദമ്പതിമാർക്ക് പരുക്കേറ്റു

ഇടുക്കി മാങ്കുളത്ത് ദമ്പതിമാർക്കുനേരെ കാട്ടാന ആക്രമണം. ആനക്കുളം സ്വദേശികളായ ജോണി ഭാര്യ ഡെയ്സി എന്നിവർക്കു നേരെയാണ് ആക്രമണമുണ്ടായത്. ഞായറാഴ്ച രാവിലെ പള്ളിയിലേക്ക് പോകുന്നതിനിടെ ഇവർ സഞ്ചരിച്ച ബൈക്കിനു നേരെ ആന പാഞ്ഞടുത്തു.

നിയന്ത്രണം വിട്ട് ബൈക്ക് മറിഞ്ഞു. ഇവർ മറു വശത്തേക്ക് വീണതിനാൽ ആനയുടെ ആക്രമണത്തിൽ നിന്ന് തലനാരിഴയ്ക്ക് രക്ഷപ്പെട്ടു. ബൈക്ക് ആന തകർത്തു. ദമ്പതിമാരെ വനംവകുപ്പ് ആശുപത്രിയിലെത്തിച്ചു. സാരമായ പരിക്കുകളില്ല.