വിദ്യാര്‍ത്ഥി ബസ്സില്‍ നിന്ന് റോഡില്‍ വീണുണ്ടായ അപകടത്തില്‍ സ്വകാര്യ ബസ്സ് ജീവനക്കാരുടെ ലൈസന്‍സ് ഒരു മാസത്തേക്ക് സസ്‌പെന്‍ഡ് ചെയ്തു. ബാലുശ്ശേരി നരിക്കുനി മെഡിക്കല്‍ കോളേജ് റൂട്ടില്‍ ഓടുന്ന നൂറാ ബസ്സിലെ ഡ്രൈവര്‍ കുന്ദമംഗംലം സ്വദേശി എം.പി മുഹമ്മദ്, കണ്ടക്ടര്‍ കുട്ടമ്പൂര്‍ സ്വദേശി യു.കെ അബ്ബാസ് എന്നിവരുടെ ലൈസന്‍സാണ് മോട്ടോര്‍ വാഹന വകുപ്പ് സസ്‌പെന്‍ഡ് ചെയ്തത്.
ജീവനക്കാര്‍ മൂന്ന് ദിവസം എടപ്പാളിലെ മോട്ടോര്‍ വാഹന വകുപ്പ് ഐഡിടിആറില്‍ ക്ലാസില്‍ പങ്കെടുക്കണമെന്നും ജോ. ആര്‍ടിഒ അറിയിച്ചു. ബാലുശ്ശേരിയില്‍ നിന്ന് ചൊവ്വാഴ്ച രാവിലെ മെഡിക്കല്‍ കോളേജിലേക്ക് പോകുകയായിരുന്ന ബസ്സ് പുന്നശ്ശേരിയിൽ നിര്‍ത്തിയപ്പോള്‍ വിദ്യാര്‍ത്ഥി ബസ്സില്‍ നിന്ന് വീണ് പരിക്കേല്‍ക്കുകയായിരുന്നു. സംഭവം ശ്രദ്ധയില്‍പ്പെട്ടിട്ടും ബസ് നിര്‍ത്താതെ പോയി. തുടര്‍ന്ന് വിദ്യാര്‍ത്ഥികള്‍ നല്‍കിയ പരാതിയിലാണ് നടപടി.