പാലക്കാട് വാഹനാപകടത്തിൽ നവവധു മരിച്ചു; ഭർത്താവ് ഗുരുതര പരുക്കുകളോടെ ചികിത്സയിൽ

പാലക്കാട് പുതുശേരിൽ ഇന്ന് ഉച്ചയോടെയായിരുന്നു അപകടം. കണ്ടെയ്നർ ലോറിയും ബൈക്കും കൂട്ടിയിടിക്കുകയായിരുന്നു . അപകടത്തിൽ കണ്ണന്നൂർ പുതുക്കോട് സ്വദേശിയും നവവധുവുമായ അനീഷയാണ് മരിച്ചത്. ബൈക്കിൽ ഒപ്പമുണ്ടായിരുന്ന ഭർത്താവ് കോയമ്പത്തൂർ സ്വദേശി ഷക്കീറിനെ ഗുരുതര പരുക്കുകളോടെ പാലക്കാടുള്ള ആശുപത്രിയിൽ പ്രവേശിപ്പിച്ചിരിക്കുകയാണ്. നെന്മാറയിലുള്ള ബന്ധുവിന്റെ വീട്ടിൽ വിരുന്നിന് പോയി കോയമ്പത്തൂരിലുള്ള ഷക്കീറിന്റെ വീട്ടിലേക്ക് തിരികെ പോകുന്നതിനിടെയായിരുന്നു അപകടം. കഴിഞ്ഞ ജൂൺ നാലിനായിരുന്നു ഇരുവരുടേയും വിവാഹം കഴിഞ്ഞത്.