വയനാട്- തിരുനെല്ലിയിൽ അധിമാരക ലഹരിയുമായി രണ്ടുപേർ പിടിയിൽ. എസ്.ഐ വി.പി. സാജനും സംഘവും കാട്ടിക്കുളം ടൗണിൽ വാഹന പരിശോധന നടത്തവെയാണ് അതിമാരക ലഹരിമരുന്നായ എം.ഡി.എം.എ യുമായി വന്ന കാർ യാത്രികരായ യുവാക്കളെ പിടികൂടിയത്. പനമരം കീഞ്ഞുകടവ് പട്ടുകുത്ത് വീട്ടിൽ മുഹമ്മദ് ആഷിഖ് (30), കൂളിവയൽ കുന്നോത്ത് വീട്ടിൽ എ. അഷ്കർ (33) എന്നിവരാണ് പിടിയിലായത്. ഇവരിൽ നിന്ന് 47 ഗ്രാം എം.ഡി.എം.എയാണ് പിടികൂടിയത്. പ്രതികൾ സഞ്ചരിച്ച കാറും കസ്റ്റഡിയിലെടുത്തു.