കുരങ്ങ് ശല്യം; ആത്മഹത്യാ ശ്രമം നടത്തിയ കർഷകനെ അനുനയിപ്പിച്ച് താഴെയിറക്കി
ഏലപീടികയിൽ കുരങ്ങ് ശല്യത്തിൽ പൊറുതിമുട്ടിയ സാഹചര്യത്തിൽ പ്രതിഷേധവുമായി കർഷകൻ. കുരങ്ങുകളുടെ ആക്രമണത്തിൽ വീട് തകർന്നതിൽ പ്രതിഷേധിച്ച് ഏലപീടിക സ്വദേശിയായ കർഷകൻ മരത്തിന് മുകളിൽ കയറി ആത്മഹത്യ ഭീഷണി മുഴക്കുകയാണ്.
ഏലപീടിക സ്വദേശി സ്റ്റാൻലിയാണ് പെട്രോളുമായി മരത്തിന് മുകളിൽ കയറി ആത്മഹത്യ ഭീഷണി മുഴക്കിയത്. വനം വകുപ്പ് ഉദ്യോഗസ്ഥരെത്തി കുരങ്ങ് ശല്യത്തിന് പരിഹാരം കാണണമെന്നായിരുന്നു ഇയാളുടെ ആവശ്യം. ഒടുവിൽ സ്റ്റാൻലിനെ കുരങ്ങ ശല്യത്തിന് പരിഹാരം കാണാമെന്ന് വാഗ്ദാനം നൽകി ആത്മഹത്യയിൽ നിന്ന് പിന്തിരിപ്പിച്ച് താഴെ ഇറക്കി.