യു.എ.ഇ ദേശീയ ദിനാഘോഷത്തിന്‍റെ ഭാഗമായുള്ള പതാകദിനം ഷാർജ ഇന്ത്യൻ അസോസിയേഷനിൽ ആചരിച്ചു. വൈസ് പ്രസിഡന്‍റ് പ്രദീപ് നെന്മാറ അസോസിയേഷൻ ആസ്ഥാനത്ത് യു.എ.ഇ. ദേശീയ പതാക ഉയർത്തി. പോറ്റമ്മ നാടിന് ഐക്യദാർഢ്യം പ്രഖ്യാപിച്ചു കൊണ്ടുള്ള സന്ദേശം വായിച്ചു.
ചടങ്ങിൽ ജനറൽ സെക്രട്ടറി ശ്രീപ്രകാശ് പുറയത്ത് സ്വാഗതവും മാനേജിങ് കമ്മിറ്റിയംഗം കെ.കെ. താലിബ് നന്ദിയും പറഞ്ഞു. മാനേജിങ് കമ്മിറ്റിയംഗങ്ങളായ മുരളീധരൻ ഇടവന, അനീസ് റഹ്മാൻ, യൂസഫ് സഗീർ, നസീർ കുനിയിൽ, ഷാർജ ഇന്ത്യൻ സ്കൂൾ പ്രിൻസിപ്പൽ പ്രമോദ് മഹാജൻ തുടങ്ങിയവരും സംബന്ധിച്ചു.