"മരണത്തിന്‍റെ ഡോക്ടർ' കണ്ടുപിടിച്ച "ദയാവധപ്പെട്ടി'; ആദ്യ ഉപയോഗത്തിനു മുൻപ് നിരോധിച്ച് സ്വിറ്റ്സർലൻഡ്

ആദ്യ ഉപയോഗത്തിന് ആഴ്ചകൾക്കു മുന്പു ദയാവധ ഉപകരണം നിരോധിച്ച് സ്വിറ്റ്സർലൻഡ്.  സാർക്കോ എന്നു വിളിക്കപ്പെടുന്ന "ദയാവധപ്പെട്ടി'ക്കാണു നിരോധനം.  "ടെസ്‌ല ഓഫ് യൂത്തനേസിയ' എന്ന  ഫ്യൂചറിസ്റ്റിക് പോഡിനു ദ​യാ​വ​ധ​ത്തി​നു വി​ധേ​യ​നാ​യ രോ​ഗി​യുടെ ജീവൻ ഒ​രു ബ​ട്ട​ൺ അ​മ​ർ​ത്തി നി​മി​ഷ​ങ്ങ​ൾ​ക്ക​കം നഷ്ടപ്പെടുത്താൻ കഴിയും. ബട്ടൺ‌ അമർത്തുന്പോൾ അ​റ​യി​ൽ നൈ​ട്ര​ജ​ൻ നി​റ​യു​ക​യും ഓ​ക്സി​ജ​ൻ ല​ഭി​ക്കാ​തി​രി​ക്കു​ക​യും ചെ​യ്യും ഇങ്ങനെയാണു മരണം സംഭവിക്കുന്നത്.   

സ്വി​റ്റ്‌​സ​ർ​ല​ൻ​ഡി​ലെ ഷാ​ഫ്‌​ഹൗ​സെ​ൻ കാ​ന്‍റ​ണി​ലെ പ്രോ​സി​ക്യൂ​ട്ട​ർ​മാ​രാണ് പോ​ഡി​നെ​ക്കു​റി​ച്ച് നി​യ​മ​പ​ര​വും ധാ​ർ​മി​ക​വു​മാ​യ ആ​ശ​ങ്ക​ക​ൾ ഉ​ന്ന​യി​ച്ചത്. ഉ​പ​ക​ര​ണം എ​ങ്ങ​നെ പ്ര​വ​ർ​ത്തി​ക്കു​ന്നു എ​ന്ന​തി​നെ​ക്കു​റി​ച്ചു​ള്ള അ​നി​ശ്ചി​ത​ത്വ​ങ്ങ​ളി​ലേ​ക്കും അ​തി​നു​ള്ളി​ൽ സം​ഭ​വി​ക്കു​ന്ന മ​ര​ണ​ത്തി​ന്‍റെ ആ​ത്യ​ന്തി​ക ഉ​ത്ത​ര​വാ​ദി​ത്തം ആ​ർക്കാണെന്നുമുള്ള വെ​ല്ലു​വി​ളി​യെക്കുറിച്ചും പ്രോസിക്യൂട്ടർമാർ ആശങ്കകൾ ഉന്നയിച്ചു. മാത്രമല്ല, മ​ര​ണ​ത്തിൽ സ​ഹാ​യി​ക്കാ​ൻ പോ​ഡ്‌​സ് ഉ​പ​യോ​ഗി​ക്കു​ന്ന ആ​ർ​ക്കും അ​ഞ്ചു വ​ർ​ഷം വ​രെ ത​ട​വ് ല​ഭി​ക്കു​മെ​ന്നും പ്രോ​സി​ക്യൂ​ട്ട​ർ​മാ​ർ മു​ന്ന​റി​യി​പ്പു ന​ൽ​കി.

2019 ലെ ​വെ​നീ​സ് ഡി​സൈ​ൻ ഫെ​സ്റ്റി​വ​ലി​ലാണ് പോ​ഡ് അവതരിപ്പിച്ചത്. മ​ര​ണ​വു​മാ​യി ബ​ന്ധ​പ്പെ​ട്ട അ​സ്വ​സ്ഥ​ത​ക​ൾ ഇ​ല്ലാ​താ​ക്കാ​ൻ ല​ക്ഷ്യ​മിട്ടാണ് പോഡ് അവതരിപ്പിച്ചതെന്നു നിർമാതാവായ "മരണത്തിന്‍റെ ഡോക്ടർ' എന്നറിയപ്പെടുന്ന ഡോ. ​ഫി​ലി​പ്പ് നി​റ്റ്ഷ്കെ അവകാശപ്പെട്ടു. തന്‍റെ ക​ണ്ടു​പി​ടി​ത്ത​ത്തി​ന് ഉ​പ​യോ​ക്താ​ക്ക​ളെ വേ​ഗ​ത്തി​ലും വേ​ദ​ന​യി​ല്ലാ​തെ​യും മ​രി​ക്കാ​ൻ പ്രാ​പ്ത​രാ​ക്കാ​ൻ ക​ഴി​യു​മെ​ന്നും നിറ്റ്ഷ്കെ പറഞ്ഞു. 

സ്വാർഥ കാ​ര​ണ​ങ്ങ​ളാ​ൽ ആ​ത്മ​ഹ​ത്യ​യെ സ​ഹാ​യി​ക്കു​ന്ന​തി​നും പ്രേ​രി​പ്പിക്കുന്നതിനും നി​റ്റ്ഷ്കെ ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ൾ നേ​രി​ടേ​ണ്ടി​വ​രു​മെ​ന്നും പ​ബ്ലി​ക് പ്രോ​സി​ക്യൂ​ട്ട​റാ​യ പീ​റ്റ​ർ സ്റ്റി​ച്ച​ർ മു​ന്ന​റി​യി​പ്പ് ന​ൽ​കി. ലോ​ക​മെ​മ്പാ​ടു​മു​ള്ള വി​മ​ർ​ശ​ക​ർ ഉ​പ​ക​ര​ണം ദു​രു​പ​യോ​ഗം ചെ​യ്യ​പ്പെ​ടു​ക​യോ അ​ല്ലെ​ങ്കി​ൽ തെ​റ്റാ​യി പ്ര​വ​ർ​ത്തി​ക്കു​ക​യോ ചെ​യ്യു​മെ​ന്ന ആ​ശ​ങ്ക​യും ഉ​ന്ന​യി​ച്ചി​ട്ടു​ണ്ട്.  ഇ​ത് അ​പ്ര​തീ​ക്ഷി​ത​മാ​യ പ്ര​ത്യാ​ഘാ​ത​ങ്ങ​ൾ​ക്ക് ഇ​ട​യാ​ക്കുമെന്നും പ്രോസിക്യൂട്ടർമാർ പറഞ്ഞു. 

1942 മു​ത​ൽ, സ്വി​റ്റ്‌​സ​ർ​ല​ൻ​ഡ് ദയാവധം അ​നു​വ​ദി​ച്ചി​ട്ടു​ണ്ട്. സ്വ​ന്തം ജീ​വി​തം അ​വ​സാ​നി​പ്പി​ക്കാ​ൻ ശ്ര​മി​ക്കു​ന്ന വ്യക്തികൾ സു​ബോ​ധ​മു​ള്ള​വ​രാ​യി​രി​ക്ക​ണ​മെ​ന്നും അ​വ​രു​ടെ തീ​രു​മാ​നം സ്വാ​ർഥ കാ​ര​ണ​ങ്ങ​ളാ​ൽ പ്രേ​രി​പ്പി​ക്ക​പ്പെ​ട​രു​തെ​ന്നും സ്വി​സ് നി​യ​മം അ​നു​ശാ​സി​ക്കു​ന്നു.