വയസുകാലത്തെ ചില ആഗ്രഹങ്ങൾ... ; ഇന്ത്യൻ പലഹാരങ്ങൾ ആസ്വദിക്കുന്ന ജാപ്പനീസ് വൃദ്ധ ദമ്പതികൾ
പുതിയ രാജ്യം സന്ദർശിച്ചു സ്വന്തം നാട്ടിലേക്കു മടങ്ങുമ്പോൾ, അതിഥിയായി താമസിച്ച രാജ്യത്തെ മനോഹരമായവ കൂടെ കൊണ്ടുപോകാൻ ആഗ്രഹിക്കാത്തവരായി ആരുണ്ട്? പലർക്കും അക്കൂട്ടത്തിൽ പ്രധാനപ്പെട്ട ഒന്നായിരിക്കും ആ നാട്ടിലെ പ്രധാനപ്പെട്ട പലഹാരങ്ങൾ. ഇന്ത്യാസന്ദർശനത്തിനുശേഷം ജപ്പാനിലെ ടോക്കിയോയിൽനിന്നുള്ള കണ്ടന്‍റ് ക്രിയേറ്റർ തന്‍റെ മുത്തശ്ശിക്കും മുത്തച്ഛനും സമ്മാനിച്ചത് വ്യത്യസ്തമായ പലഹാരങ്ങളാണ്.
ആലു ഭുജിയ സേവ്, ഖാട്ടാ മീഠ, മിഠായികൾ എന്നിവയാണ് തന്‍റെ മുത്തശ്ശിക്കും മുത്തച്ഛനും കോക്കി ഷിഷിഡോ നൽകിയത്. വൃദ്ധ ദമ്പതികൾ അതെല്ലാം കഴിക്കുന്ന വീഡിയോ ഷിഷിഡോ ഇൻസ്റ്റഗ്രാമിൽ പങ്കുവച്ചിട്ടുണ്ട്. സ്നാക്സ് ആസ്വദിച്ചുകഴിക്കുന്ന അവരുടെ മികച്ച അഭിപ്രായങ്ങളും വീഡിയോയിൽ ഉണ്ട്.
മാന്പഴത്തിന്‍റെ രുചിയുള്ള മിഠായികളാണ് അവർ അദ്യം കഴിച്ചത്. ഇത്രയും കാലത്തിനിടയിൽ കഴിക്കാത്ത വിഭവം സംശയത്തോടെയാണ് അവർ കഴിക്കാനാരംഭിക്കുന്നത്. കഴിച്ചതിനു ശേഷം മുത്തശ്ശി പറഞ്ഞ് " "എനിക്കുണ്ടായ ആദ്യത്തെ രുചി' എന്നാണ്. എന്നാൽ ആലു ഭുജിയ മുത്തച്ഛന് അത്ര രുചികരമായി തോന്നിയില്ല. അതിലെ മസാലക്കൂട്ടാണ് മുത്തച്ഛന് ഇഷ്ടപ്പെടാതിരുന്നത്. എന്തായാലും ഇന്ത്യൻ പലഹാരങ്ങൾ അവർ സന്തോഷത്തോടെ കഴിച്ചു.