ഷാർജ സ്കൈ അഡ്വഞ്ചേഴ്സ് പാരാഗ്ലൈഡിങ് സെന്റർ തുറന്നു

ഷാർജ സ്കൈ അഡ്വഞ്ചേഴ്സ് പാരാഗ്ലൈഡിങ് സെന്റർ സഞ്ചാരികൾക്കായി തുറന്നു. തിങ്കളാഴ്ച മുതൽ പാരാഗ്ലൈഡിങ്ങ് ചെയ്യാം. ഷാർജ നിക്ഷേപ വികസന വകുപ്പിനു കീഴിലാണ് രാജ്യത്തെ ആദ്യ ലൈസൻസുള്ള പാരാ​ഗ്ലൈഡിങ് കേന്ദ്രം ഒരുക്കിയിട്ടുള്ളത്. രാജ്യാന്തര പാരാ​ഗ്ലൈഡിങ് ചാംപ്യൻഷിപ്പോടെയാണ് സെന്ററിന്റെ പ്രവർത്തനം ആരംഭിക്കുക. ഷാർജയുടെ മധ്യമേഖലയിൽ അൽ ഫയ റിട്രീറ്റിനു സമീപമായാണ് ഈ പുതിയ വിനോദകേന്ദ്രം. ഷാർജയിലെ സിവിൽ ഏവിയേഷൻ ചെയർമാൻ ഷെയ്ഖ് ഖാലിദ് ബിൻ ഇസാം അൽ ഖാസിമിയുടെ സാന്നിധ്യത്തിലായിരുന്നു പുതിയ കേന്ദ്രത്തിന്റെ പ്രഖ്യാപനം.