ഉത്തർപ്രദേശിലെ ഹാഥറസിൽ തിക്കിലും തിരക്കിലും പെട്ട് നൂറിലേറെ പേർ മരിക്കാനിടയായ സംഭവത്തിൽ അനുശോചനമറിയിച്ച് യു.എ.ഇ പ്രസിഡന്റ് ശൈഖ് മുഹമ്മദ് ബിൻ സായിദ് ആൽ നഹ്യാൻ.
പ്രധാനമന്ത്രി നരേന്ദ്ര മോദിക്കാണ് അനുശോചന സന്ദേശം അയച്ചത്. സംഭവത്തിൽ പരിക്കേറ്റവർക്ക് വേഗത്തിൽ രോഗമുക്തിയുണ്ടാകട്ടെയെന്നും സന്ദേശത്തിൽ പറഞ്ഞു.
യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂം, യു.എ.ഇ വൈസ് പ്രസിഡന്‍റും ഉപപ്രധാനമന്ത്രിയും പ്രസിഡൻഷ്യൽ കാര്യ മന്ത്രിയുമായ ശൈഖ് മൻസൂർ ബിൻ സായിദ് ആൽ നഹ്യാൻ എന്നിവരും സമാനമായ അനുശോചന സന്ദേശം അറിയിച്ചിട്ടുണ്ട്.
