ഗൗരി ലങ്കേഷ് അനുസ്മരണം സംഘടിപ്പിച്ച് 'ഓർമ' ദുബായ്

ഗൗരി ലങ്കേഷ്-ചരിത്രച്ചുവരിലെ ചോരപ്പാടുകൾ എന്ന പേരിൽ ദെയ്‌റയിൽ 28 സെപ്റ്റംബർ 2023 നു അനുസ്മരണ പരിപാടി സംഘടിപ്പിച്ചു. പരിപാടിയിൽ കബീർ അച്ചാരത്ത് സ്വാഗതം പറഞ്ഞു സാഹിത്യ വിഭാഗം കൺവീനർ ബാബുരാജ് ഉറവ് അദ്ധ്യക്ഷനായ യോഗത്തിൽ എഴുത്തുകാരിയും മാധ്യമ പ്രവർത്തകയുമായ ശ്രീ സോണിയാ ഷിനോയ് , ശ്രീ ബിന്ദു എന്നിവർ പ്രഭാഷണങ്ങൾ നടത്തി.

ജനാധിപത്യം അതിന്റെ അന്ത:സത്തയോടെ നിലനിൽക്കാനാഗ്രഹിക്കുന്ന ഓരോ മനുഷ്യനും ഊർജമാണ് ഗൗരി ലങ്കേഷിന്റെ ഓർമ്മകൾ എന്ന് അനുസ്മരണ പ്രഭാഷണത്തിൽ സോണിയ ഷിനോയ് അനുസ്മരിച്ചു.ലോക കേരളാ സഭാംഗം ശ്രീ.എൻ.കെ കുഞ്ഞഹമ്മദ്, ഓർമ ജനറൽ സെക്രട്ടറി ശ്രീ. പ്രദീപ് തോപ്പിൽ , പ്രസിഡന്റ് . ശ്രീ ഷിജു ബഷീർ എന്നിവർ സംസാരിച്ചു. സനില സുഭാഷ് നന്ദിരേഖപ്പെടുത്തിയ പരിപാടിയിൽ വിവിധ മേഖലകളിൽ നിന്ന് അംഗങ്ങൾ പങ്കെടുത്തു