ദുബൈയിലെ എമിറേറ്റ്‌സ് എന്‍ബി.ഡിയുമായി സഹകരിച്ച് യു.എ.ഇ ദേശീയ വിമാനക്കമ്പനിയായ ഇത്തിഹാദ് എയര്‍വേസ് പരിമിത കാലത്തേക്ക് ഇത്തിഹാദ് ഗസ്റ്റ് വിസാ എലിവേറ്റ് / ഇന്‍സ്പയര്‍ ക്രെഡിറ്റ് കാര്‍ഡുകള്‍ അവതരിപ്പിച്ചു.
ഈ കാര്‍ഡുകള്‍ ഉപയോഗിച്ച് ചെലവഴിക്കുന്ന ഓരോ 10 ദിര്‍ഹത്തിനും ഉടമക്ക് 10 മൈല്‍ സഞ്ചരിക്കാനുള്ള അവസരം ലഭിക്കും. ജൂണ്‍ 15 വരെയാണ് ഓഫര്‍ കാലാവധി. 50 ശതമാനം ഡിസ്‌കൗണ്ടും ഇന്‍റര്‍സിറ്റി വിമാനത്താവള മാറ്റവും അടക്കമുള്ള ഓഫറുകളാണ് എലിവേറ്റ്/ ഇന്‍സ്പയര്‍ കാര്‍ഡ് ഉടമകള്‍ക്ക് നല്‍കുന്നത്.
ഇത്തിഹാദ് ഗസ്റ്റ് വിസ എലിവേറ്റ് കാര്‍ഡ് ഉടമകള്‍ക്ക് നടത്തുന്ന പേമെന്‍റുകളുടെ അടിസ്ഥാനത്തില്‍ 50,000 മൈലുകള്‍ മുതല്‍ 2,50,000 മൈലുകള്‍ വരെ യാത്ര ചെയ്യാനാവും.
ഇത്തിഹാദ് ഗസ്റ്റ് ഇന്‍സ്പയര്‍ കാര്‍ഡ് ഉടമകള്‍ക്ക് 60,000 ബോണസ് മൈലുകളാണ് ഓഫര്‍ ചെയ്യുന്നത്. ഇത്തിഹാദില്‍ നടത്തുന്ന ടിക്കറ്റ് പര്‍ച്ചേസുകള്‍ക്ക് രണ്ടു കാര്‍ഡുകള്‍ക്കും 10 ശതമാനം കാഷ്ബാക്ക് ഓഫറും നല്‍കുന്നുണ്ട്. കാര്‍ഡ് ഉടമകളുടെ ജീവിത ശൈലിയനുസരിച്ചുള്ള ഓഫറുകളും യാത്രികര്‍ക്കായി കമ്പനി വാഗ്ദാനംചെയ്യുന്നു. ഇക്കോണമി സീറ്റുകളും ബിസിനസ് ക്ലാസ് യാത്രകളുമൊക്കെയാണ് ഇങ്ങനെ ഓഫര്‍ പ്രൈസില്‍ നല്‍കുന്നത്. 30 ശതമാനം വരെ ഡിസ്‌കൗണ്ട് ഇത്തരത്തില്‍ നല്‍കും.
