ട്രാവൽ ആൻഡ് ടൂറിസം എക്‌സിബിഷനായ അറേബ്യൻ ട്രാവൽ മാർക്കറ്റ് 2023 മെയ് 1 മുതൽ ദുബായിൽ ആരംഭിക്കും. അറേബ്യൻ ട്രാവൽ മാർക്കറ്റിന്റെ മുപ്പതാമത് പതിപ്പ് 2023 മെയ് 1 മുതൽ മെയ് 4 വരെയാണ്. ദുബായ് വേൾഡ് ട്രേഡ് സെന്ററിൽ വെച്ചാണ് ഈ ട്രാവൽ ആൻഡ് ടൂറിസം പ്രദർശനം സംഘടിപ്പിക്കുന്നത്.
ലോകത്തിന്റെ വിവിധ ഭാഗങ്ങളിൽ നിന്നുള്ള ടൂറിസം കേന്ദ്രങ്ങളെ പരിചയപ്പെടുത്തുന്നതും, ടൂറിസം, ഹോസ്പിറ്റാലിറ്റി മേഖലകളിലെ ഏറ്റവും മികച്ച ബ്രാൻഡുകളെ പരിചയപ്പെടുത്തുന്നതുമായ പ്രദർശനങ്ങൾ ഈ എക്സിബിഷനിൽ ഉൾപ്പെടുത്തിയിട്ടുണ്ട്. ടൂറിസം മേഖലയിലെ സാങ്കേതികവിദ്യകൾ പരിചയപ്പെടുത്തുന്ന ടൂറിസം ടെക്നോളജി പ്രദർശനവും അറേബ്യൻ ട്രാവൽ മാർക്കറ്റിൽ ഉൾപ്പെടുത്തിയിട്ടുണ്ട്.
ആഗോളതലത്തിലെ ഏറ്റവും മുൻപന്തിയിലുള്ള എൺപതിലധികം ട്രാവൽ ടെക്നോളജി കമ്പനികൾ ഈ പ്രദർശനത്തിൽ പങ്കെടുക്കുന്നതാണ്. ഈ മേഖലയിലെ ഏറ്റവും നൂതനമായ സാങ്കേതികവിദ്യകൾ ഇവർ പ്രദർശനത്തിൽ അവതരിപ്പിക്കുന്നതാണ്. ഇതിന് പുറമെ പരിസ്ഥിതി സൗഹൃദ രീതിയിലുള്ള വിനോദസഞ്ചാരത്തിന്റെ ഏറ്റവും നൂതന പ്രവണതകൾ അവതരിപ്പിക്കുന്ന സസ്റ്റൈനബിലിറ്റി ഹബ് ഇത്തവണത്തെ അറേബ്യൻ ട്രാവൽ മാർക്കറ്റിന്റെ സവിശേഷതയാണ്.
.@DWTCOfficial hosts the 30th edition of @ATMDubai, which will kick off from 1 to 4 May 2023 with participants of Tourism destinations from around to showcase their brand alongside the biggest names in accommodation and hospitality, renowned tourism destinations. #Dubai pic.twitter.com/4ubjwNYK5z
— Dubai Media Office (@DXBMediaOffice) April 24, 2023
