സൈക്കിൾ യാത്രികർക്കായി മെയ്ദാൻ മേഖലയിൽ ഒരു പുതിയ അണ്ടർപാസ് തുറന്ന് കൊടുത്തതായി ദുബായ് റോഡ്‌സ് ആൻഡ് ട്രാൻസ്പോർട്ട് അതോറിറ്റി (RTA) അറിയിച്ചു. 160 മീറ്റർ നീളവും, 6.6 മീറ്റർ വീതിയുമുള്ള ഈ ടണൽ മെയ്ദാൻ മേഖലയിലെ സൈക്കിൾ യാത്രികർക്ക് സുഗമമായ സഞ്ചാരമുറപ്പാക്കുന്നു. മണിക്കൂറിൽ 800-ഓളം സൈക്കിൾ യാത്രികർക്ക് സഞ്ചരിക്കാനാകുന്ന രീതിയിലാണ് ഈ അണ്ടർപാസ് പണിതീർത്തിരിക്കുന്നത്.
സൈക്ലിംഗ് ട്രാക്കുകളിലൂടെ നഗരത്തിലെ പ്രധാന ആകർഷണകേന്ദ്രങ്ങളെയും, പാർപ്പിട മേഖലകളെയും ബന്ധിപ്പിച്ച് കൊണ്ട് ദുബായ് നഗരത്തെ ഒരു സൈക്കിൾ സൗഹൃദ നഗരമാക്കി മാറ്റുന്നതിനുള്ള RTA നയങ്ങളുടെ ഭാഗമായാണ് ഈ നടപടി. തീർത്തും സുരക്ഷിതമായി സൈക്കിൾ സവാരി നടത്തുന്നതിന് ആവശ്യമായ അടിസ്ഥാന സൗകര്യങ്ങൾ ഒരുക്കുന്നതിന്റെ ഭാഗമായാണ് ഈ ടണൽ നിർമ്മിച്ചിരിക്കുന്നത്.
#RTA has opened a new tunnel specifically designed for cyclists in Al Meydan area. The tunnel spans 160m in length and 6.6m in width, with a capacity to accommodate approximately 800 bicycles per hour. https://t.co/6pqh6VIL3f pic.twitter.com/uy0Ssvqday
— RTA (@rta_dubai) May 2, 2023
