ദുബായ് എമിറേറ്റിലെ ബസ്, മെട്രോ യാത്രികർക്ക് മഴയത്തും, വെയിലത്തും ഉപയോഗിക്കുന്നതിനായി സൗജന്യ കുടകൾ നൽകുന്നത് ലക്ഷ്യമിടുന്ന പദ്ധതിയ്ക്ക് ദുബായ് റോഡ്‌സ് ആൻഡ് ട്രാൻസ്പോർട് അതോറിറ്റി (RTA) തുടക്കമിട്ടു.
ദുബായിലെ തിരഞ്ഞെടുത്ത ബസ്, മെട്രോ സ്റ്റേഷനുകളിലെ യാത്രികർക്ക് ഈ സ്മാർട്ട് അംബ്രല്ല സേവനം പ്രയോജനപ്പെടുത്താവുന്നതാണ്. ഈ പദ്ധതിയുടെ കീഴിൽ യാത്രികർക്ക് തങ്ങളുടെ നോൾ കാർഡ് പ്രയോജനപ്പെടുത്തിക്കൊണ്ട് ഉപയോഗിച്ച ശേഷം തിരികെ നൽകാവുന്ന രീതിയിൽ സൗജന്യമായി കുടകൾ നേടാവുന്നതാണ്. ഷെയറിങ് അടിസ്ഥാനത്തിലുള്ള ഈ സേവനം കനേഡിയൻ കമ്പനിയായ അംബ്രസിറ്റിയുമായി ചേർന്നാണ് RTA നടപ്പിലാക്കുന്നത്. നിലവിൽ അൽ ഗുബൈബ ബസ്, മെട്രോ സ്റ്റേഷനുകളിലാണ് ഈ സേവനം പരീക്ഷണാടിസ്ഥാനത്തിൽ നടപ്പിലാക്കിയിരിക്കുന്നത്.
#RTA, in collaboration with UmbraCity, a leading Canadian smart umbrella share service company, has launched a revolutionary ‘free of cost’ smart umbrella service at Al Ghubaiba Bus and Metro station. This innovative proof of concept service is designed to enhance the walkability… pic.twitter.com/E3rxSFwfmR
— RTA (@rta_dubai) March 23, 2024
മൂന്ന് മാസത്തിന് ശേഷം വിജയകരമാണെന്ന് കാണുന്ന സാഹചര്യത്തിൽ ഈ സേവനം കൂടുതൽ ബസ്, മെട്രോ സ്റ്റേഷനുകളിലേക്ക് വ്യാപിപ്പിക്കുന്നതാണ്. ദുബായ് നഗരത്തിൽ കാൽനടയായുള്ള ചെറു യാത്രകൾ പ്രോത്സാഹിപ്പിക്കുന്നതിന്റെ ഭാഗമായാണ് ഈ നടപടി.
