ദുബായ് ഇ-സ്‌പോർട്‌സ് ആൻഡ് ഗെയിംസ് ഫെസ്റ്റിവൽ ആരംഭിച്ചു

ദുബായ് ഇ-സ്‌പോർട്‌സ് ആൻഡ് ഗെയിംസ് ഫെസ്റ്റിവലിന്റെ രണ്ടാം പതിപ്പ് (DEF 2023) 2023 ജൂൺ 21-ന് ആരംഭിച്ചു. മേഖലയിലെ ഏറ്റവും വലിയ ഇ-സ്‌പോർട്‌സ്, ഗെയിംസ് മേളയാണ് ദുബായ് ഇ-സ്‌പോർട്‌സ് ആൻഡ് ഗെയിംസ് ഫെസ്റ്റിവൽ.

ഗെയിമേഴ്സ്, ടെക് വിദഗ്ധർ, വീഡിയോ ഗെയിം ഇൻഡസ്ട്രിയിലെ പ്രമുഖർ, ഇ-സ്‌പോർട്‌സ് ആരാധകർ തുടങ്ങിയവർ DEF 2023-ൽ പങ്കെടുത്തു. ജൂൺ 21 മുതൽ ജൂൺ 25 വരെയാണ് DEF 2023 അരങ്ങേറുന്നത്.

ദുബായ് എക്‌സ്‌പോ സിറ്റിയിലെ ദുബായ് എക്‌സിബിഷൻ സെന്ററിൽ (സൗത്ത് ഹാൾ) വെച്ചാണ് DEF 2023 സംഘടിപ്പിക്കുന്നത്. ആഗോളതലത്തിലെ ഗെയിമിംഗ് മേഖലയിലെ അംഗങ്ങൾ ഈ മേളയിൽ പങ്കെടുക്കുന്നതാണ്.

വീഡിയോ ഗെയിംസ് മേഖലയിലെ നൂതന പ്രവണതകൾ, ടെക് വിനോദമേഖലയിലെ പുത്തൻ ആശയങ്ങൾ മുതലായവ ഈ മേളയിൽ അവതരിപ്പിക്കപ്പെടുന്നതാണ്. വീഡിയോ ഗെയിംസ് ടൂർണമെന്റുകളും DEF 2023-ൽ വെച്ച് സംഘടിപ്പിക്കുന്നതാണ്.