അജ്മാൻ നഗരസഭയുടെ പിഴയിളവ് 22 വരെ

യു.എ.ഇയുടെ അമ്പത്തിരണ്ടാം ദേശീയ ദിനം പ്രമാണിച്ച് അജ്മാൻ നഗരസഭ പ്രഖ്യാപിച്ച പിഴയിളവ് സമയപരിധി ഈ മാസം 22ന് അവസാനിക്കും. ഈ വർഷത്തെ ദേശീയദിനത്തോടനുബന്ധിച്ച് 52 ശതമാനം പിഴയിളവാണ് അജ്മാൻ നഗരസഭ പ്രഖ്യാപിച്ചിരുന്നത്. അജ്മാൻ നഗരസഭയുമായി ബന്ധപ്പെട്ട പിഴകൾക്കാണ് പിഴയിളവ്. 2023 ഡിസംബർ രണ്ടു മുതൽ 2024 ജനുവരി 22 വരെയുള്ള 52 ദിവസത്തേക്കാണ് ഈ ആനുകൂല്യം അനുവദിച്ചിരിക്കുന്നത്. കഴിഞ്ഞ വർഷം ഡിസംബർ രണ്ടിനു മുമ്പുള്ള പിഴകൾക്കു മാത്രമാണ് ഈ ആനുകൂല്യം ലഭ്യമാകുകയെന്ന് നഗരസഭ അറിയിപ്പിൽ വ്യക്തമാക്കുന്നു.