ഷെയ്ഖ് മുഹമ്മദ്, ഷെയ്‌ഖ് ഹംദാൻ എന്നിവരുടെ മുഖങ്ങളുള്ള 50 ദിർഹത്തിന്റെ നാണയം പുറത്തിറക്കി യുഎഇ

യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം, ദുബായ് കിരീടാവകാശിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം എന്നിവരുടെ മുഖങ്ങളുള്ള 50 ദിർഹത്തിന്റെ വെള്ളി നാണയം യുഎഇ സെൻട്രൽ ബാങ്ക് (CBUAE) പുറത്തിറക്കി.

മറുവശത്ത്, നാണയത്തിൻ്റെ നാമമാത്രമായ മൂല്യത്തിന് (ദിർഹം 50) പുറമെ അറബിയിലും ഇംഗ്ലീഷിലും സിബിയുഎഇയുടെ പേരിനാൽ ചുറ്റപ്പെട്ട യുഎഇയുടെ ലോഗോയുമുണ്ട്. 40 ഗ്രാം ഭാരമുള്ള 3,000 വെള്ളി നാണയങ്ങളാണ് ഇപ്പോൾ പുറത്തിറക്കിയിരിക്കുന്നത്

മുഹമ്മദ് ബിൻ റാഷിദ് അൽ മക്തൂം ക്രിയേറ്റീവ് സ്പോർട്സ് അവാർഡിൻ്റെ 12-ാമത് പതിപ്പ് ആഘോഷിക്കുന്നതിൻ്റെ ഭാഗമായാണ് ഈ നാണയങ്ങൾ പുറത്തിറക്കിയിരിക്കുന്നത്.