ദുബായ് അൽ കൂസ് അഗ്നിബാധയിൽ ആളപായമില്ല

ദുബായ് : ദുബായിൽ അൽ ഖൂസ് വ്യവസായമേഖലയിൽ ഇന്നലെ ഉച്ചയ്ക്ക് ശേഷം നടന്ന വൻ അഗ്നിബാധയിൽ ആളപായമില്ല. അല്‍ ഖൂസ് വ്യവസായ മേഖല ഏരിയ 1 ലെ റീസൈക്ലിങ് വെയര്‍ഹൗസിലാണ് തീപിടിത്തമുണ്ടായത്. സംഭവത്തില്‍ ആളപായമില്ലെന്നത് വൻ ദുരന്തം ഒഴിവാക്കി. ദുബൈ പൊലീസും അഗ്നിശമനസേനയും മണിക്കൂറുകളോളം ശ്രമിച്ച ശേഷമാണ് തീ അണച്ചത്. തീപിടിക്കാനുണ്ടായ കാരണം വ്യക്തമല്ല. ദുബൈ മീഡിയ ഓഫിസ് ട്വിറ്ററിലൂടെയാണ് ഈ വിവരം പുറത്തുവിട്ടത്. കഴിഞ്ഞ ആഴ്ചയാണ് ബുർജ് ഖലീഫയ്ക്ക് സമീപം 35 നില കെട്ടിടത്തിന് തീപിടിച്ചത്. ദുബായ് ഡൗണ്‍ടൗണിലെ ബൊലേവാഡ് വാക്കിലെ എട്ടാം ടവറിലാണ് തീപിടിത്തമുണ്ടായത്. കെട്ടിടത്തിലുണ്ടായിരുന്ന ആളുകളെ ഉടന്‍ തന്നെ സ്ഥലത്ത് നിന്ന് ഒഴിപ്പിച്ചത് വന്‍ ദുരന്തം ഒഴിവാക്കി.