അജ്മാനിൽ വാഹനാപകടം ;പെരിന്തൽമണ്ണ സ്വദേശി അന്തരിച്ചു

അജ്‌മാൻ അമ്മാൻ സ്ട്രീറ്റിൽ കാർ പാർക്ക് ചെയ്ത് റോഡ് മുറിച്ചുകടക്കുന്നതിനിടെ പെരിന്തൽമണ്ണ സ്വദേശി ശ്രീലേഷ് ഗോപാലൻ (51)അന്തരിച്ചു. എലൈറ്റ് ഗ്രൂപ്പിൽ സെയിൽസ് എക്സിക്യൂട്ടീവ് ആയി ജോലിചെയ്തുവരികയായിരുന്നു. ഗുരുതരമായി പരിക്കേറ്റ ശ്രീലേഷിനെ പോലീസ് അജ്‌മാൻ ഖലീഫ ആശുപത്രിയിൽ എത്തിച്ചുവെങ്കിലും രക്ഷപെടുത്താൻ സാധിച്ചില്ല. പരേതനായ വട്ടകണ്ടത്തിൽ ഗോപാലത്തിന്റെയും കമലത്തിന്റെയും മകനാണ്. നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ടുപോകുമെന്ന് ബന്ധുക്കൾ അറിയിച്ചു. ഭാര്യ ശില്പ ; എൻ.എം.സി ഹോസ്പിറ്റൽ ഫാർമസിസ്ററ് . മകൻ: ശ്രാവൺ യുകെയിൽ വിദ്യാർത്ഥി, മകൾ ശ്രേയ,.