ഫെബ്രുവരി 14 മുതൽ അബുദാബിയിൽ നിന്ന് മദീനയിലേക്ക് പറക്കാൻ 4000രൂപ മാത്രം

ദുബായ് : കുറഞ്ഞ ചിലവിൽ മദീനയിലേക്ക്​ പറക്കാൻ അവസരം തുറന്ന്​ വിസ്​ എയർ. അബുദാബിയിൽ നിന്ന്​ മദീനയിലേക്ക്​ 179 ദിർമാണ് ടിക്കറ്റ് നിരക്ക്. ഏകദേശം 4000 ഇന്ത്യൻ രൂപ​യാണിത്. തിരിച്ചും ഇതേ നിരക്ക്​ തന്നെയാണ്​ വിസ്​ എയർ ഈടാക്കുന്നത് . ഫെബ്രുവരി 14 മുതലാണ്​ സർവീസ്​ തുടങ്ങുക. ടിക്കറ്റ്​ വിൽപന തുടങ്ങി.

നിലവിൽ 600-1000 ദിർഹമാണ്​ അബൂദബിയിൽ നിന്ന്​ മദീനയിലേക്ക്​ ടിക്കറ്റ്​ നിരക്ക്​. ലോകത്തിന്‍റെ വിവിധ ഭാഗങ്ങളിലേക്ക്​ കുറഞ്ഞ ചിലവിൽ യാത്രയൊരുക്കുന്ന വിമാന സർവീസാണ്​ വിസ്​ എയർ. വിവിധ യൂറോപ്യൻ രാജ്യങ്ങളിലേക്ക്​ 179 ദിർഹമിന്​ യാത്ര ചെയ്യാൻ അവസരമൊരുക്കുന്ന വിസ്​ എയർ സൗദിയിലേക്കും പറക്കുന്നതോടെ പ്രവാസികൾക്ക്​ ഏറെ ഉപകാരപ്രദമാകും. ദിവസവും മദീനയിലേക്ക്​ സർവീസുണ്ടാകും. കുറഞ്ഞ ചിലവിൽ ഉംറ നിർവഹിക്കാനും മദീന കാണാനും ഈ വിമാനം ഉപകരിക്കും.