ദുബായ്∙: ഉയർന്ന നിലവാരമുള്ള ഉത്പന്നങ്ങൾ ലഭ്യമാക്കി ദുബായിലെ യൂണിയന്‍ കോപ്. വിവിധ ശാഖകളിലൂടെ പതിനായിരക്കണക്കിനു ഭക്ഷ്യ, ഭക്ഷ്യേതര ഉല്‍പന്നങ്ങളാണ് യൂണിയന്‍ കോപ് ലഭ്യമാക്കുന്നതെന്നു കോഓപറേറ്റീവിന്റെ ഓപറേഷന്‍ മാനേജര്‍ അയൂബ് മുഹമ്മദ് പറഞ്ഞു . ഇതിനു പുറമെ കോഓപറേറ്റീവിന്റെ എല്ലാ ശാഖകളിലും മത്സ്യം, മാംസം, ചീസ്, സ്‌നാക്കുകള്‍, റോസ്റ്റര്‍, ബേക്കറി എന്നിങ്ങനെ പ്രത്യേക വിഭാഗങ്ങളുമുണ്ട്. ഈ സവിശേഷതകള്‍ കൊണ്ടും മിതമായ വില, ഉല്‍പന്നങ്ങളുടെ ഗുണനിലവാരം, ഭക്ഷ്യസുരക്ഷ എന്നിവ പരിഗണിച്ചും ഭക്ഷ്യ, അവശ്യ ഉല്‍പന്നങ്ങള്‍ വാങ്ങുന്നതിനായി ഉപഭോക്താക്കള്‍ യൂണിയന്‍ കോപിനെ തിരഞ്ഞെടുക്കുന്നതായി അദ്ദേഹം പറഞ്ഞു.
അതിവേഗം വ്യാപിക്കുക എന്ന കോപ്പറേറ്റീവിന്റെ ഏറ്റവും പ്രധാനപ്പെട്ട ലക്ഷ്യം നേടാനും നിരന്തരം പരിശ്രമിക്കുന്നുണ്ട്. ഉപഭോക്താക്കള്‍ക്കു സവിശേഷമായ ഷോപ്പിങ് അനുഭവം സമ്മാനിക്കുന്നതിനായി രാജ്യാന്തര നിലവാരമുള്ള ആധുനിക കൊമേഴ്‌സ്യല്‍ സെന്ററുകള്‍ തുടങ്ങുന്നതിലാണു പരിശ്രമം നടത്തുന്നത്. സാധ്യമായ ഏറ്റവും വലിയ ഭക്ഷ്യ, ഭക്ഷ്യേതര ഉല്‍പന്നങ്ങളുടെ സ്റ്റോക്കുകള്‍ ലഭ്യമാക്കാന്‍ തുടര്‍ച്ചയായി പ്രവര്‍ത്തിക്കുന്നു. ഉല്‍പന്നങ്ങള്‍ എത്തിക്കാനായി ലോക രാജ്യങ്ങളുമായി ചേര്‍ന്നു പ്രവര്‍ത്തിക്കുന്ന കോ ഓപറേറ്റീവ്, ഒരു ഉല്‍പന്നം തന്നെ വിവിധ രാജ്യങ്ങളില്‍ നിന്ന് എത്തിക്കാന്‍ ശ്രമിക്കാറുണ്ട്. ഇതിലൂടെ ഉപഭോക്താക്കള്‍ നിറവേറ്റുകയും എല്ലാ സാഹചര്യങ്ങളിലും ഉല്‍പന്നങ്ങളുടെ ലഭ്യത ഉറപ്പാക്കുകയുമാണു ലക്ഷ്യമിടുന്നതെന്ന് അദ്ദേഹം കൂട്ടിച്ചേര്‍ത്തു
