ലോക പോലീസ് ഉച്ചകോടി സമ്മേളനം ദുബായിൽ

ദുബായ് : പോലീസ് ലോക ഉച്ചകോടി സമ്മേളനം ദുബായിൽ നടക്കും. 2023 - മാർച്ച് ഏഴ് മുതൽ ഒമ്പതുവരെ ദുബായ് വേൾഡ് ട്രേഡ് സെന്ററിലാണ് ഉച്ചകോടി. ലോകത്തെ പോലീസ് സേനകളിൽ നടപ്പിലാക്കേണ്ട അത്യാധുനിക സാങ്കേതിക വിദ്യകളും നൂതനാശയങ്ങളും ചർച്ചചെയ്യുകയാണ് ഉച്ചകോടിയുടെ പ്രധാനലക്ഷ്യം.

യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂമിന്റെ നേതൃത്വത്തിലാണ് ഉച്ചകോടി നടക്കുക. ലോക പോലീസ് സേനകളുടെ മേധാവികൾ ഉച്ചകോടിയിൽ പങ്കെടുക്കും.