അബുദാബിയിൽ കാറും ട്രക്കും കൂട്ടിയിടിച്ച് കത്തിയ സംഭവത്തിൽ ഒരാൾ മരിച്ചതായി പോലീസ് റിപ്പോർട്ട്

യു എ ഇ : അബുദാബി സ്വൈഹാന്‍ റോഡിൽ ഇന്നലെ (ചൊവ്വ )കാറും ട്രക്കും കൂട്ടിയിടിച്ച് വാഹനങ്ങൾ കത്തിയ സംഭവത്തിൽ ഒരാൾ മരിച്ചു. കാർ ഡ്രൈവറുടെ മൃതദേഹം വാഹനത്തിൽ നിന്ന് ലഭിച്ചതായി അബുദാബി പോലീസ് അറിയിച്ചു. അബുദാബിയിൽ ട്രക്കും കാറും കൂട്ടിയിടിച്ച് വാഹനങ്ങൾക്ക് തീ പിടിക്കുകയായിരുന്നു. അപകടത്തെ തുടർന്ന്ന് മറ്റു രണ്ടു വാഹനങ്ങൾക്ക് കൂടി തീ പിടിച്ചിട്ടുണ്ടായിരുന്നു.

അബുദാബി സ്വെയിഹാൻ റോഡിലാണ് അപകടം നടന്നതെന്ന് പോലീസ് ട്വിറ്ററിലൂടെയാണ് ഇന്നലെ രാവിലെ അറിയിച്ചത് . തുടർന്ന് സ്വൈഹാന്‍ റോഡ് താത്കാലികമായി അടച്ചു. അതി രാവിലെ ഉണ്ടായ അപകടത്തെ തുടർന്ന് 9. 30 ഓടെയാണ് തീ അണയ്ക്കാൻ സാധിച്ചത്. അബുദാബി സിറ്റിയിലെ അൽ ഷംഖ പാലത്തിന് മുന്നിലായിരുന്നു അപകടം.