സിനിമ താരങ്ങൾ ആയിരിക്കുമ്പോൾ നേരിടുന്ന വെല്ലുവിളികളെ കുറിച്ച് നിത്യാമേനോൻ. തന്നെ സംബന്ധിച്ചിടത്തോളം ഏറ്റവും വലിയ വെല്ലുവിളി ഫ്രീഡം അല്ലെങ്കിൽ പ്രൈവസി ആണ്. എനിക്ക് നടക്കാൻ പോണം, രാത്രിയിൽ എവിടെ ങ്കിലും പോണം എന്നുണ്ടെങ്കിൽ ഫ്രീഡം ഇല്ലാത്ത ഒരു കുറവ് തനിക്ക് ഫീൽ ചെയ്യാറുണ്ട് എന്നും നിത്യ പറഞ്ഞു. ഏറ്റവും പോസിറ്റിവ് ആയ സംഗതി ഷെഡ്യൂൾസ് ആണ്.
നോർമൽ ജോബ് ഉള്ള പോലെ അല്ലല്ലോ, നമ്മൾക്ക് വർക്ക് ചെയ്യുമ്പോൾ ഫുൾ വർക്ക് ചെയ്യാം ശനിയോ ഞനയോ എന്നൊന്നും ഇല്ല. വർക്ക് ഓഫ് ആണെങ്കിൽ ഒരു ഓഫ് കിട്ടും എന്നതാണ് ഗുണമെന്നും താരം പറഞ്ഞു. നിത്യക്ക് ഒപ്പം, രഞ്ജിപണിക്കൽ, മാള പാർവതി എന്നിവരും അഭിമുഖത്തിൽ പങ്കെടുത്തു. മൂവരുടെയും വാക്കുകളിലേക്ക്. മാസ്റ്റർ പീസ് പ്രമോഷന്റെ ഭാഗമായി സംസാരിക്കുകയായിരുന്നു ഇവർ.
അഭിനയിക്കുന്ന ആളുകളെ കുറിച്ച് സമൂഹത്തിനു ഒരു പൊതുവിചാരം ഉണ്ട്. സ്‌ക്രീനിൽ നമ്മൾ കാണുന്ന പോലെയാണ് എല്ലാം എന്ന്, എന്നാൽ അത് അങ്ങനെ അല്ല. ഇതൊരു ബ്ലൂ കോളർ ജോബ് ആണ്. നമ്മൾ സ്വെറ്റ്‌ ആകും, നമ്മൾ ബ്ലീഡ് ആകും. നമ്മൾ കരയും എല്ലാം ഉണ്ട്. ഇത് ശരിക്കും ഫിസിക്കൽ ആയിട്ടും മെന്റൽ ആയും വേദന നൽകുന്ന ജോബ് ആണത് പക്ഷേ ആളുകളുടെ വിചാരം ഹാപ്പി ആയിട്ട് ഇരുന്നാണ് പല സീനുകളും എന്നാണ്.
അതാണ് ഏറ്റവും വലിയ തെറ്റ്. എന്റെ അച്ഛനും അമ്മയും ഷൂട്ടിങ് കാണാൻ വരികയെ ഇല്ല. കാരണം അതത്ര ഫൺ ആയ സ്ഥലം അല്ല. അത് ഒരുപാട് ത്യാഗങ്ങളുടെ സ്ഥലമാണ്- നിത്യ മേനോൻ പറയുമ്പോൾ സിനിമ ഷൂട്ടിംങ് എന്ന് പറയുന്നത് ഒരു കാത്തിരിപ്പ് എന്നാണ് മാല പാർവതി അഭിമുഖത്തിൽ പറഞ്ഞത്. നിങ്ങൾ വിചാരിക്കുന്ന പോലെ അത്ര സുഖമുള്ള പരിപാടിയല്ല- മാല പറഞ്ഞു.
മമ്മൂട്ടയെ കുറിച്ചാണ് രഞ്ജി പണിക്കർ സംസാരിച്ചത്.
രൗദ്രത്തിന്റെ ഷൂട്ടിൽ മമ്മുക്കയും ഞാനും ഭക്ഷണം കഴിക്കുകയാണ്. പുള്ളി എന്നാൽ ഭക്ഷണം ആസ്വദിക്കുന്നില്ല. എന്താണ് കാര്യം എന്ന് ചോദിച്ചപ്പോൾ ഞാൻ ഭക്ഷണം വർജ്ജിച്ചു വർജ്ജ്ച്ചു രുചി നഷ്ടപ്പെട്ടു പോയി എന്നാണ് പുള്ളി പറയുന്നത്. ആ മനുഷ്യൻ 25 വർഷമായി വേണ്ടത്ര ആസ്വദിച്ചല്ല ഭക്ഷണം കഴിക്കുന്നത്. ലോകത്തിന്റെ ഏതുകോണിൽ പോയാലും ഭക്ഷണവും കാര്യങ്ങളും വേണ്ടത്ര ആസ്വദിക്കാൻ പ്രാപ്തിയുള്ള മനുഷ്യൻ ആണ്.പുള്ളിക്കും അവിടെ റെസ്ക്ട്രിക്ഷ്നസ് ഉണ്ട്. കാരണം അത്രയും ഹാർഡാണ്‌ ആ അപ്പിയറൻസ് അങ്ങനെ മെയിൻടെയിൻ ചെയ്യുക എന്നത്. ഏറ്റവും ലക്ഷ്വറി എന്ന് നിങ്ങൾ ചിന്തിക്കുന്ന ആളാണ് ഇത്രയും സ്ട്രഗിൾ ചെയ്യുന്നത്.
എന്റെ അമ്മായി അമ്മ മരിക്കുമ്പോൾ ഞാൻ ഷൂട്ടിലാണ്. എന്റെ ഭാര്യ ഏകമകൾ ആണ്, എന്നിട്ടും എനിക്ക് ഷൂട്ട് കഴിഞ്ഞേ പോകാൻ ആകൂ. എന്റെ മാത്രം അവസ്ഥ അല്ല. സിനിമയിൽ ഇരിക്കുന്ന എല്ലാ ആളുകൾക്കും ഇങ്ങനെ ആണ് ജീവിതം- രഞ്ജി പറഞ്ഞു.
