പുത്തന്‍ ഫീച്ചറുമായി ജി മെയില്‍

ജിമെയില്‍ അക്കൗണ്ടില്‍ കുമിഞ്ഞുകൂടുന്ന മെയിലുകള്‍ ഡിലീറ്റ് ചെയ്യക എന്നത് ഒരു പണി തന്നെയാണ്. ഡിലീറ്റ് ചെയ്യാതെ മാറ്റിവച്ചുകൊണ്ടിരുന്നാല്‍ നമ്മുടെ സ്‌പെയ്‌സ് തിന്നുതീര്‍ക്കുകയും ചെയ്യും. ഈ പ്രശനത്തിന് പരിഹാരം വരുന്നു.

ഒറ്റയടിക്ക് 50 മെയിലുകള്‍ വരെ ഡിലീറ്റ് ചെയ്യാന്‍ സഹായിക്കുന്ന ഫീച്ചര്‍ ഉടന്‍ വരുമെന്ന് അറിയിച്ചിരിക്കുകയാണ് ജി മെയില്‍. ഡെസ്‌ക് ടോപ്പ് വെര്‍ഷനില്‍ ഇതു നേരത്തെ സാധ്യമായിരുന്നുവെങ്കിലും ഇങ്ങനെ ബള്‍ക്ക് ഡിലീറ്റ് ഓപ്ഷന്‍ ഫോണില്‍ ലഭ്യമായിരുന്നില്ല. ഇതു വരുന്നതോടെ ഫോണിലെ ജിമെയില്‍ ആപ്പ് തുറന്നുതന്നെ അനാവശ്യ സന്ദേശങ്ങള്‍ ഒറ്റയടിക്കു കളയാം.

ജി മെയിലിന്റെ ആന്‍ഡ്രോയിഡ് 2023.08.20.561750975 വെര്‍ഷനിലായിരിക്കും പുതിയ ഫീച്ചര്‍. ആന്‍ഡ്രോയിഡിന്റെ 13,14 വെര്‍ഷന്‍ ഉപയോഗിക്കുന്നവര്‍ക്കും ഈ അപ്‌ഡേറ്റ് ലഭ്യമാകും. പുത്തന്‍ ഫീച്ചര്‍ മറ്റ് വെര്‍ഷനുകളിലേക്കും വൈകാതെ എത്തും.