സുനിത വില്യംസും ബുച്ച് വില്‍മറും മസ്കിന്റെ ഡ്രാഗണ്‍ ക്രൂവിൽ മടങ്ങിവരും; സ്റ്റാര്‍ലൈനർ ആളില്ലാതെ തിരികെയെത്തിക്കുമെന്നും നാസ
WEB DESK
അന്താരാഷ്ട്ര ബഹിരാകാശ നിലയത്തില്‍ കുടുങ്ങിയ സുനിത വില്യംസിനേയും ബുച്ച് വില്‍മറിനേയും തിരികെ കൊണ്ടു വരിക സ്‌പെയ്‌സ് എക്‌സിന്റെ ക്രൂ- 9 മിഷന്റെ ഡ്രാഗണ്‍ സ്‌പെയ്‌സ് ക്രാഫ്റ്റില്ലായിരിക്കുമെന്ന് നാസ. 2025 ഫെബ്രുവരിയോടെയാവും ഇരുവരേയും തിരിച്ചെത്തിക്കുക. അതേസമയം ബോയിങ്ങിന്റെ സ്റ്റാര്‍ലൈനര്‍ പേടകം ഇരുവരുമില്ലാതെ ഭൂമിയിലേക്ക് തിരിക്കും. സ്റ്റാര്‍ലൈനറിൽ ഇരുവരുവരെയും തിരികെ കൊണ്ട് വരാൻ ശ്രമിക്കുന്നത് അപകടകരമായ ദൗത്യംമാണെന്ന് മനസിലാക്കിയതോടെയാണ് നാസ ഇങ്ങനെയൊരു തീരുമാനം എടുത്തത്.
സ്‌പെയ്‌സ് എക്‌സിന്റെ ക്രൂ- 9 മിഷന്റെ ഡ്രാഗണ്‍ സ്‌പെയ്‌സ് ക്രാഫ്റ്റില്‍ മറ്റുരണ്ടുപേര്‍ക്കൊപ്പമാവും ഇരുവരും തിരിച്ചെത്തുക. സെപ്റ്റംബര്‍ ആദ്യത്തോടെ സ്റ്റാര്‍ലൈനര്‍ സുരക്ഷിതമായി തിരിച്ചെത്തിക്കാനാണ് നാസയുടെ ശ്രമം. തിരിച്ചെത്തുന്ന സ്റ്റാര്‍ലൈനറില്‍നിന്ന് ലഭിക്കുന്ന വിവരങ്ങള്‍ ബോയിങ്ങും നാസയും ശേഖരിക്കും. ഒരാഴ്ച്ച നീണ്ടു നിന്ന ദൗത്യത്തിനായി ജൂൺ ആറിന് ഐഎസ്എസിൽ എത്തിയ സുനിത വില്യംസും, ബച്ച് വില്‍മോറും സ്റ്റാര്‍ലൈനർ പേടകത്തിന്റെ ത്രസ്റ്ററുകളുടെ തകരാറും ഹീലിയം ചോര്‍ച്ചും കാരണം ഐഎസ്എസിൽ കുടുങ്ങുകയായിരുന്നു.
