സൗ​ദി അ​റേ​ബ്യ ഇനി ചൈനീസ് വിനോദ സഞ്ചാരികളുടെ കേന്ദ്രം

ഈ ​വ​ർ​ഷം ജൂ​ലൈ ഒ​ന്ന്​ മു​ത​ൽ ചൈ​ന​യി​ൽ​നി​ന്നു​ള്ള വി​നോ​ദ​സ​ഞ്ചാ​രി​ക​ളു​ടെ ഔ​ദ്യോ​ഗി​ക വി​നോ​ദ​സ​ഞ്ചാ​ര കേ​ന്ദ്ര​മാ​യി സൗ​ദി അ​റേ​ബ്യ. ചൈ​നീ​സ് ന​ഗ​ര​മാ​യ ഷാ​ങ്ഹാ​യി​ൽ ന​ട​ന്ന ഐ.​ടി.​ബി എ​ക്സി​ബി​ഷ​നി​ൽ വി​ശി​ഷ്​​ടാ​തി​ഥി രാ​ജ്യ​മാ​യി പ​​ങ്കെ​ടു​ക്ക​വേ​യാ​ണ് സൗ​ദി​ ചൈ​ന​ക്ക് അം​ഗീ​കൃ​ത ഡെ​സ്​​റ്റി​നേ​ഷ​ൻ പ​ദ​വി (എ.​ഡി.​എ​സ്) ന​ൽ​കി​യ​താ​യി പ്ര​ഖ്യാ​പി​ച്ച​ത്. നി​ര​വ​ധി ഉ​ന്ന​ത​ത​ല യോ​ഗ​ങ്ങ​ളും ധാ​ര​ണാ​പ​ത്ര​ങ്ങ​ളു​ടെ ഒ​പ്പി​ട​ലും ഇ​രു രാ​ജ്യ​ങ്ങ​ളു​ടെ​യും ടൂ​റി​സം വ​കു​പ്പു​ക​ൾ ത​മ്മി​ലു​ള്ള സ​ഹ​ക​ര​ണ​ത്തി​നു​ള്ള വി​വി​ധ ന​ട​പ​ടി​ക​ളും പൂ​ർ​ത്തി​യാ​ക്കി​യ​ശേ​ഷ​മാ​ണ്​ പ്ര​ഖ്യാ​പ​ന​മു​ണ്ടാ​യ​ത്​.

സൗ​ദി​യി​ലേ​ക്ക്​ വി​നോ​ദ​സ​ഞ്ചാ​രി​ക​ളെ അ​യ​ക്കു​ന്ന മൂ​ന്നാ​മ​ത്തെ വ​ലി​യ രാ​ജ്യം എ​ന്ന നി​ല​യി​ൽ 2030ഓ​ടെ 50 ല​ക്ഷ​ത്തി​ല​ധി​കം ചൈ​നീ​സ് വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​നാ​ണ് ഇ​തി​ലൂ​ടെ​ ല​ക്ഷ്യ​മി​ടു​ന്ന​ത്. ചൈ​ന​യി​ൽ നി​ന്നു​ള്ള വി​നോ​ദ​സ​ഞ്ചാ​രി​ക​ൾ​ക്കു​ള്ള അം​ഗീ​കൃ​ത​വും ഔ​ദ്യോ​ഗി​ക​വു​മാ​യ വി​നോ​ദ​സ​ഞ്ചാ​ര കേ​ന്ദ്ര​മാ​യി സൗ​ദി അ​റേ​ബ്യ​യെ ഉ​ൾ​പ്പെ​ടു​ത്തി​യ​ത്​ ഇ​രു രാ​ജ്യ​ങ്ങ​ളു​ടെ​യും ടൂ​റി​സം മേ​ഖ​ല​ക​ൾ ത​മ്മി​ലു​ള്ള സം​യു​ക്ത ശ്ര​മ​ങ്ങ​ളി​ലും അ​ടു​ത്ത സ​ഹ​ക​ര​ണ​ത്തി​ലും ക​ലാ​ശി​ക്കു​ന്ന ഒ​രു സു​പ്ര​ധാ​ന ഘ​ട്ട​മാ​ണെ​ന്ന്​ സൗ​ദി ടൂ​റി​സം മ​ന്ത്രി അ​ഹ​മ്മ​ദ് അ​ൽ ഖ​ത്തീ​ബ് പ​റ​ഞ്ഞു.

2030ഓ​ടെ 50 ല​ക്ഷ​ത്തി​ല​ധി​കം ചൈ​നീ​സ് വി​നോ​ദ​സ​ഞ്ചാ​രി​ക​ളെ ആ​ക​ർ​ഷി​ക്കാ​ൻ സൗ​ദി ല​ക്ഷ്യ​മി​ടു​ന്നു. രാ​ജ്യ​ത്ത്​ എ​ത്തു​ന്ന വി​നോ​ദ​സ​ഞ്ചാ​രി​ക​ളു​ടെ മൂ​ന്നാ​മ​ത്തെ വ​ലി​യ ഉ​റ​വി​ട​മാ​ണ് ചൈ​ന. അ​വി​ടെ​നി​ന്നു​ള്ള വി​നോ​ദ​സ​ഞ്ചാ​രി​ക​ളെ സ്വീ​ക​രി​ക്കാ​ൻ എ​ല്ലാ സൗ​ക​ര്യ​ങ്ങ​ളും ഒ​രു​ക്കി​യി​ട്ടു​ണ്ട്. അ​സാ​ധാ​ര​ണ​വും പ്ര​ചോ​ദ​നാ​ത്മ​ക​വു​മാ​യ ഒ​രു ടൂ​റി​സം അ​നു​ഭ​വം ആ​സ്വ​ദി​ക്കാ​ൻ ചൈ​നീ​സ്​ വി​നോ​ദ സ​ഞ്ചാ​രി​ക​ളെ സ്വാ​ഗ​തം ചെ​യ്യു​ന്നു​വെ​ന്നും ടൂ​റി​സം മ​ന്ത്രി പ​റ​ഞ്ഞു.

ചൈ​ന​യി​ൽ​ നി​ന്നു​ള്ള ടൂ​റി​സ്​​റ്റ്​ ഗ്രൂ​പ്പു​ക​ൾ​ക്കാ​യി സൗ​ദി അ​റേ​ബ്യ​യെ ഒ​രു ടൂ​റി​സ്റ്റ് കേ​ന്ദ്ര​മാ​യി അം​ഗീ​ക​രി​ച്ച​ത്​ വി​വി​ധ മേ​ഖ​ല​ക​ളി​ൽ ഇ​രു രാ​ജ്യ​ങ്ങ​ളും ത​മ്മി​ൽ സ​മ​ഗ്ര​വും ത​ന്ത്ര​പ​ര​വു​മാ​യ പ​ങ്കാ​ളി​ത്തം ശ​ക്തി​പ്പെ​ടു​ത്തു​ന്ന​തി​നു​ള്ള ന​ല്ല ന​ട​പ​ടി​യാ​ണെ​ന്ന്​ ചൈ​ന​യി​ലെ സൗ​ദി അം​ബാ​സ​ഡ​ർ അ​ബ്​​ദു​റ​ഹ്​​മാ​ൻ ബി​ൻ അ​ഹ​മ്മ​ദ് അ​ൽ​ ഹ​ർ​ബി പ​റ​ഞ്ഞു. എ​ല്ലാ ത​ല​ങ്ങ​ളി​ലു​മു​ള്ള ഉ​ഭ​യ​ക​ക്ഷി ബ​ന്ധ​ങ്ങ​ളു​ടെ ആ​ഴം സ്ഥി​രീ​ക​രി​ക്കു​ന്ന​താ​ണെ​ന്നും അം​ബാ​സ​ഡ​ർ കൂ​ട്ടി​ച്ചേ​ർ​ത്തു.

ചൈ​നീ​സ് സ​ഞ്ചാ​രി​ക​ളെ ആ​ക​ർ​ഷി​ക്കു​ന്ന​തി​ന്​ വി​വി​ധ പ​ദ്ധ​തി​ക​ളാ​ണ്​ സൗ​ദി ന​ട​പ്പാ​ക്കി​വ​രു​ന്ന​ത്. വി​സ ന​ട​പ​ടി​ക്ര​മ​ങ്ങ​ൾ സു​ഗ​മ​മാ​ക്കു​ക, വി​മാ​ന​ങ്ങ​ളു​ടെ ശേ​ഷി വ​ർ​ധി​പ്പി​ക്കു​ക, വി​മാ​ന​ത്താ​വ​ള​ങ്ങ​ളി​ലും ല​ക്ഷ്യ​സ്ഥാ​ന​ങ്ങ​ളി​ലും ടൂ​റി​സ്​​റ്റ്​ സൈ​റ്റു​ക​ളി​ലും ചൈ​നീ​സ് ഭാ​ഷ​യി​ലു​ള്ള ആ​ശ​യ​വി​നി​യ​മ സം​വി​ധാ​ന​ങ്ങ​ളും അ​വ​ർ ഇ​ഷ്​​ട​പ്പെ​ടു​ന്ന പേ​യ്‌​മെൻറ് സം​വി​ധാ​ന​ങ്ങ​ളും അ​ങ്ങ​നെ സ​ജ്ജീ​ക​രി​ക്കു​ന്ന​വ​യി​ൽ ഉ​ൾ​പ്പെ​ടും. അ​ടു​ത്തി​ടെ റി​യാ​ദി​ൽ നി​ന്നും ജി​ദ്ദ​യി​ൽ നി​ന്നും ചൈ​ന​യി​ലേ​ക്ക് ഒ​മ്പ​ത്​ നേ​രി​ട്ടു​ള്ള പ്ര​തി​വാ​ര വി​മാ​ന സ​ർ​വി​സു​ക​ൾ ആ​രം​ഭി​ച്ചി​രു​ന്നു​.